06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Երասխ գյուղում բռնկված հրդեհը մարվել է․ այրվել է մոտ 8000 հակ անասնակեր
16.10.2021 | 15:59
Հոկտեմբերի 15-ին` ժամը 14։13-ին, Արարատի մարզային ճգնաժամային կառավարման կենտրոն ահազանգ է ստացվել, որ Երասխ գյուղի երկաթգծի կայարանի մոտակայքում այրվում է անասնակեր։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։
Ինչպես տեղեկացրին ՀՀ ԱԻՆ-ից, հրդեհը մեկուսացվել է hոկտեմբերի 16-ին՝ ժամը 07։57-ին, մարվել՝ 14։04-ին։
Երասխ գյուղի Րաֆֆու փողոցի թիվ 27 հասցեում այրվել է մոտ 8000 հակ անասնակեր։
Հիշեցնենք, որ հոկտեմբերի 15-ին գյուղը կեսօրից հետո կրկին ենթարկվել է թիրախային գնդակոծության: Ադրբեջանական զինծառայողները դիտավորյալ կրակոցներով հրդեհել են Երասխ համայնքի բնակչի խոտի 8 հազար հակ: Ոչնչացվել է ձմռան ողջ պաշարը: Կրակը տարածվել է և հրդեհվել է քաղաքացու անասնագոմի տանիքը:
