«Իսլամական պետություն» ահաբեկչական խմբավորումը ստանձնել է Աֆղանստանի Ղանդահար քաղաքում շիա մզկիթում տեղի ունեցած պայթյունի պատասխանատվությունը, հաղորդում է «Ֆրանս Պրես» գործակալությունը՝ վկայակոչելով խմբավորման հայտարարությունը:
Խմբավորումը հայտարարել է, որ երկու մահապարտ ահաբեկիչներ հարձակվել են շենքի տարբեր մասերում։
Հիշեցնենք, որ միջադեպը տեղի է ունեցել երեկ՝ հոկտեմբերի 15-ին։ Ինչպես ավելի վաղ «ՌԻԱ Նովոստի»-ին հայտնել էր տեղի աղբյուրը, պայթյունը կազմակերպել էին երեք մահապարտ ահաբեկիչներ, ևս մեկ մարդ կրակ էր բացել մզկիթի շենքի մոտ:
Գործակալության զրուցակցի տվյալներով՝ զոհվել է առնվազն 41 մարդ։
