26.01.2026 | 16:30
Ոսկու գինը պատմության մեջ առաջին անգամ գերազանցել է մեկ ունցիայի համար 5000 դոլարը
Դավիթ Տոնոյանը կմնա կալանքի տակ. դատարանը մերժեց վերաքննիչ բողոքը
Հասարակություն
15.10.2021 | 19:19
Վերաքննիչ քրեական դատարանը՝ դատավոր Տիգրան Սահակյանի նախագահությամբ քիչ առաջ մերժեց Պաշտպանության նախկին նախարար Դավիթ Տոնոյանի կալանքը վերացնելու միջնորդությունը։ Նախկին նախարարը կմնա կալանավորված։
Այս մասին քիչ առաջ լրագրողներին հայտնեց պաշտպան Սերգեյ Հովհաննիսյանը:
Հիշեցնենք՝ Դավիթ Տոնոյանը երկու ամսով կալանավորվեց սեպտեմբերի 30-ին՝ Մնացական Մարտիրոսյանի որոշմամբ և տեղափոխվեց «Երևան-Կենտրոն» քրեակատարողական հիմնարկ։
Հիշեցնենք նաև՝ ըստ Ազգային անվտանգության ծառայության՝ 2018-ից 2020 թվականները պաշտպանության նախարարի պաշտոնը զբաղեցրած Դավիթ Տոնոյանը որպես մեղադրյալ է ներգրավվել շուրջ 4.7 մլն դոլար հափշտակելու և կեղծիքներ, հանրորեն վտանգավոր արարքներ կատարելու համար։
Նույն գործով մեղադրյալ է նաև բանակին զինամթերք մատակարարած ընկերության տնօրեն՝ Պատրոն Դավո մականունով հայտնի Դավիթ Գալստյանը։ Առաջադրված հանցանքներում մեղադրյալներն իրենց մեղավոր չեն ճանաչում, պնդելով, որ այն անհիմն է։
Ռոզա Վարդանյան
