Քաղաքականություն
15.10.2021 | 21:4644-օրյա պատերազմից, հրադադարի կնքումից և ռուս խաղաղապահների տեղակայումից ի վեր, երեկ առաջին անգամ հրադադարի ռեժիմը լայնամասշտաբ խախատում արձանագրվեց արցախա-ադրբեջանական շփման գծում: Հայկական կողմը հայտնեց 6 վիրավորի մասին՝ հերքելով զոհերի մասին շրջանառվող տեղեկությունները:
Առաջնագծում լարվածությունը առավոտյան ևս պահպանվել է: Պաշտպանության բանակից հայտնում են, որ ժամը 9-ի սահմաններում ադրբեջանական զինուժը կրակ է բացել հյուսիս-արևելյան ուղղությամբ տեղակայված ստորաբաժանման սանիտարական մեքենայի ուղղությամբ: Երևանում ակնարկում են, որ պատասխանատվության մեծ բաժինը Ռուսաստանի դաշտում է:
Ադրբեջանագետ Տաթևիկ Հայրապետյանի խոսքով էլ Բաքուն նման սադրանքերով փորձում է հայաթափել Արցախի՝ հայկական վերահսյողության տակ մնացած բնակավայրերը:
Ադրբեջանական կողմը սադրանքեր հրահրում է վերջերս Մոսկվայում կայացած Փաշինյան-Պուտին, ինչպես նաև Հայաստանի և Ադրբեջանի արտաքին գործերի նախարարների հանդիպումների ֆոնին, իսկ այսօր Փաշինյանն և Ալիևը հեռավար մասնակցում էին ԱՊՀ երկրների ղեկավարների խորհրդի նիստին: Հանդիպման ընթացում, ոչ Փաշինյանը, ոչ Ալիևը և ոչ էլ Պուտինը երեկվա դեպքին չեն անդրադարձել: Նիկոլ Փաշինյանը սահմանային լարվածության պահպանման ֆոնին շնորհակալություն է հայտնել խաղաղապահներին տարածաշրջանում խաղաղության պահպանման համար:
Արցախա-ադրբեջանական սահմանի տեղի ունեցած միջադեպին արձագանքել է Հայաստանի արտաքին գործերի նախարարությունն ու դատապարտել տեղի ունեցածն՝ ակնկալելով ռուս խաղաղապահների միջնորդությունը Արցախում հրադադարի պահպանման հարցում:
Օրվա ավարտին ադրբեջանական կողմից ևս մեկ սադրանք գրանցվեց, այս անգամ արդեն Նախիջևանի հետ սահմանին։ Երասխի ուղղությամբ ադրբեջանական կրակոցներից հրդեհվեց գյուղացիներից մեկի անասնագոմն ու խոտի դեզերը։
Ի դեպ, մարտական դիրքերի կահավորման խնդիրը պատերազմից մեկ տարի անց էլ չի լուծվել: Օրերս Factor TV-ին հղում անելով ՊՆ-ի կողմից հրապարակված որոշման նախագծին հայտնել է, որ պաշտպանական գերատեսչությունը հաստատում է, որ դիրքերից շատերում չկան կացարարններ, խրամատներ և ճանապարհներ:
Նարեկ Կիրակոսյան
