22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Եթե Սերժ Սարգսյանի պաշտոնավարման 1-ին տարում պետական պարտքը 1 մլրդ 730.7 մլն դոլար էր, ապա հիմա՝ 10 տարի անց, մոտեցել է 7 մլրդի սահմանագծին. «Ժողովուրդ»
27.03.2018 | 08:32
«Ժողովուրդ» օրաթերթը գրում է.
Երկու շաբաթ անց` ապրիլի 9-ին, Սերժ Սարգսյանը հրաժեշտ կտա նախագահի պաշտոնին: Մինչ այդ «Ժողովուրդ» օրաթերթն ուսումնասիրել է Սարգսյանի նախագահության ընթացքում տնտեսության ոլորտում գրանցված արդյունքները. պատկերը բավական հիասթափեցնող է: Եւ այսպես` ժողովրդագրական առումով իրավիճակը, մեղմ ասած, աղետալի է. 2008 թվականին երկրում մշտական բնակչության թիվը 3 մլն 230.1 հազար էր, 2018թ. հունվարի 1-ի դրությամբ այն կազմել է 2 մլն 972 հազար 900: Ասել է, թե միայն պաշտոնական տվյալների համաձայն` Սերժ Սարգսյանի նախագահության տասը տարիների ընթացքում ՀՀ բնակչությունը պակասել է 257 հազար 200-ով: Եթե 2008թ. ՀՀ-ում անվանական ՀՆԱ-ն 11.7 մլրդ դոլար էր, հիմա հազիվ 11.6 մլրդի է հասել: Եթե Հայաստանի պետական պարտքը 2008թ. 1 մլրդ 730.7 մլն դոլար է եղել, հիմա այն մոտեցել է 7 մլրդի սահմանագծին, ավելի կոնկրետ՝ 6.8 մլրդ դոլար է: Եւ վերջապես, աղքատության ցուցանիշը. 2008թ. պաշտոնական տվյալներով` այն 27.6 տոկոս էր, հիմա՝ 29.4, եւ այսպես շարունակ:
Առավել մանրամասն`թերթի այսօրվա համարում:
