Աբազյանի ղեկավարը Պուտի՞նն է, թե՝ Փաշինյանը. Կրեմլի հրահանգը ՀՀ ԱԱԾ-ին․ ՏԵՍԱՆՅՈւԹ

Լուրեր

15.01.2025 | 20:13
Գերմանիայի Բունդեսթագի նախկին պատգամավորները Բաքվից կաշառ ստանալու մեղադրանքով դատարանի առաջ կկանգնեն
15.01.2025 | 20:00
Կիսիլյովի՝ Ալիևի գովքը վերջին կաթիլն էր․ դադարեցնե՛լ ռուսական ալիքների հեռարձակումը․ Լևոն Բարսեղյան. ՏԵՍԱՆՅՈՒԹ
15.01.2025 | 19:49
Լոս Անջելեսի շրջանում «հատկապես վտանգավոր իրավիճակ» է հայտարարվել
15.01.2025 | 19:34
ԱՄՆ-ի և Հայաստանի միջև ռազմավարական գործընկերությունը պատմական քայլ է դեպի առաջ. Սալոմե Զուրաբիշվիլի
15.01.2025 | 19:23
Ջալալ Հարությունյանը մեղավոր ճանաչվեց
15.01.2025 | 19:14
ՀՀ ԱԳՆ-ը հայտարարություն է տարածել Բաքվի ջարդերի տարելիցի կապակցությամբ
15.01.2025 | 19:00
ՌԴ-ն զգուշացնելու է ՀՀ-ին՝ իր ռազմավարական գծերի մասին․ Լավրով-Միրզոյան խոսակցությունը կլինի ռիսկերից ապահովագրման մասին․ Հակոբ Բադալյան․ ՏԵՍԱՆՅՈՒԹ
15.01.2025 | 18:45
Ինչ կտա ՀՀ-ին ԱՄՆ-ի հետ կնքած փաստաթուղթը․ հեռացող Բայդենի «վերջին լավությունը», թե հեռահար պլան. ՏԵՍԱՆՅՈՒԹ
15.01.2025 | 18:30
Բանակում մահվան դեպքերի հետ կապված ունեմ իմ բաժին պատասխանատվությունը. Սուրեն Պապիկյան․ ՏԵՍԱՆՅՈՒԹ
15.01.2025 | 18:22
ՀՀ-ի կողմից բողոքի նոտայի ֆոնին ՌԴ ԱԳՆ-ում հիշել են խորհրդային տարիների հայ հերոսներին
15.01.2025 | 18:14
Պապիկյանը` ՀՀ-ի կողմից գնված զենքերի մասին Ադրբեջանին տեղեկություն տալու հավանականության առնչությամբ. ՏԵՍԱՆՅՈՒԹ
15.01.2025 | 18:07
Խաչատուր Սուքիասյանի տղան ինչո՞ւ չի զորակոչվել բանակ. հարց` Պապիկյանին․ ՏԵՍԱՆՅՈՒԹ
15.01.2025 | 18:00
Պապիկյանը՝ Բաքվի կողմից նոր էսկալացիայի հավանականության, Մարությանը՝ միասնական տոմսային համակարգը բոյկոտելու մասին․ ԼՈՒՐԵՐ
15.01.2025 | 17:53
Քանի դեռ ՀԱՊԿ գործընկերները չեն փոխել իրենց դիրքորոշումը, մեր վերաբերմունքը լեգիտիմ է․ Պապիկյան․ ՏԵՍԱՆՅՈՒԹ
15.01.2025 | 17:45
ՌԴ-ն և Ուկրաինան «25-ը՝ 25-ի դիմաց» գերիների փոխանակում են իրականացրել
Բոլորը

Հայաստանը միացել է Ռուսաստանի նախաձեռնած հակաժողովրդավարական շարժմանը, որի թվում են նաեւ բռնատիրական կեցվածքով հայտնի Բելառուսը, Ադրբեջանը, Ղազախստանը, Ղրղզստանը, Թուրքմենստանը եւ Ուզբեկստանը: Հակաժողովրդական շարժման նախաձեռնողը Ռուսաստանը քսան տարուց ավելի ղեկավարող եւ խիստ վիճահարույց ընտրություններով, այդ թվում՝ նաեւ սահմանադրական փոփոխությունների արդյունքում, վերընտրվող Վլադիմիր Պուտինն է:

Այսօր Կրեմլի ազդեցության գոտում գործող լրատվամիջոցները, հղում անելով Ռուսաստանի արտաքին հետախուզական ծառայությանը, հայտնեցին, որ Վլադիմիր Պուտինի մասնակցությամբ ԱՊՀ երկրների հատուկ ծառայությունների ղեկավարները քննարկել են, ըստ հաղորդագրության, Արեւմուտքի ապակառուցողական ազդեցության եւ դրսից «ժողովրդավարությունը» բռնի կերպով ԱՊՀ երկրներում արմատավորելու փորձերը:

Սերգեյ Նարիշկինի ղեկավարած արտաքին հետախուզական ծառայությունը շեշտում է, որ հատուկ ծառայությունների ղեկավարները, որոնց թվում, ի դեպ, նաեւ հեղափոխական Հայաստանի ԱԱԾ տնօրենն է, հանգել են այն միասնական կարծիքին, որ այդ ժողովրդավարության ներդրման գործընթացներն ուղղված են ԱՊՀ երկրներում ներքաղաքական իրավիճակի ապակայունացմանը:

Պուտինի մասնակցությամբ հանդիպմանը պայմանավորվել են այդ գործընթացներին հակազդելու համատեղ ջանքերի ակտիվացման անհրաժեշտության մասին:

Հայաստանյան իրավապաշտպան կազմակերպությունները խիստ մտահոգիչ են համարում հեղափոխությամբ ձեւավորված իշխանության կողմից ԱԱԾ տնօրեն նշանակված Արմեն Աբազյանի մասնակցությունն այդ հանդիպմանը՝ նշելով, որ այսպիսով վտանգվում է Հայաստանի ինքնիշխանությունը:

2018 թվականի հեղափոխությունից հետո Նիկոլ Փաշինյանը եւ իր թիմը ժողովրդավարության ամրապնդումը համարում էին իրենց թիվ մեկ ձեռքբերումը: Այժմ անհասկանալի է, թե այս նույն իշխանության հատուկ ծառայության ղեկավարը ինչպես է հանգել այն մտքին, որ Արեւմուտքը ապակայունացնում է Հայաստանի ներքաղաքկան կյանքը: Իրավապաշտպան Արթուր Սաքունցը նշում է՝ Պուտինը հրահանգ է տվել հատուկ ծառայությունների ղեկավարներին, ինչն արտառոց է:

Արթուր Սաքունցը նշում է՝ այսօրինակ հանդիպումներն անընդունելի են, քանի որ ինքնիշխան պետություններում ինստիտուտներն ու նրանց ղեկավարները հաշվետու են միայն սեփական ժողովրդին այլ ոչ թե այլ գերտերությունների ղեկավարների։

Արդյոք Հայաստանի քաղաքական ղեկավարությունը համաձա՞յն է Պուտինի հետ հանդիպմանը ներկայացված դիրքորոշմանը, որը հաստատել է նաեւ ՀՀ ԱԱԾ տնօրենը, թե՞ Ժողովրդավարությունը փորձ է արվում Արեւմուտքի կողմից բռնի ներդնել Հայաստանում:

Արթուր Սաքունցի այս հարցին ի պատասխան՝ իշխանական ՔՊ խմբակցության պատգամավոր Վիգեն Խաչատրյանը նշում է, որ ժողովրդավարություն Հայաստանում կա եւ այն ներդնել պետք չէ:

Իշխանական պատգամավորը նաեւ համակարծիք չէ, որ ինքնիշխան պետությունների հատուկ ծառայություների ղեկավարների հետ Պուտինի հանդիպումը վերջիններիս հնրահանգավորելու նպատակ է ունեցել

Այս քննարկման համատեքստում ի՞նչ վտանգներ են սպառնում Հայաստանի անվտանգությանն ու ինչ քայլեր են ձեռնարկվելու, կամ օրինակ ինչպես է Հայաստանի ԱԱԾ-ն համագործակցելու Ադրբեջանի հատուկ ծառայության հետ: Թեմայի վերաբերյալ փորձեցինք լսել ԱԱԾ տնօրենի դիրքորոշումը, սակայն Արմեն Աբազյանի ղեկավարած կառույցից հորդորեցին գրավոր հարցում ուղարկել, ինչը եւ արդեն արված է։

Մինչ ԱԱԾ պարզաբանումը մնում է հուսալ, որ հեղափոխական Հայաստանի ԱԱԾ ներկայիս տնօրենն ի վիճակի կլինի առաջ մղել բացառապես Հայաստանի շահերը եւ չառաջնորդվել մեկ այլ պետության ղեկավարի հրահանգներով: Հիշեցնենք՝ նախորդ տարի Պուտինի վարչակազմի քննադատ Միխայիլ Խոդորկովսկու կողմից ֆինանսավորվող «Դոսյե» կենտրոնն ԱԱԾ նախկին տնօրեններ Կառլոս Պետրոսյանին, Գեորգի Կուտոյանին եւ Արթուր Վանեցյանին ներկայացրել էր որպես Կրեմլի գործակալներ:

Նարեկ Կիրակոսյան