23.08.2026 | 16:09
Զինծառայողի մահվան դեպքով քրեական վարույթ է նախաձեռնվել․ առերևույթ սպանություն կատարած անձը ձերբակալվել է
Մարիա Զախարովան՝ Մարտակերտում ադրբեջանական ԶՈՒ-ի կրակոցից խաղաղ բնակչի զոհվելու մասին
Քաղաքականություն
14.10.2021 | 13:06
Լեռնային Ղարաբաղում ՌԴ խաղաղապահ զորախմբի հրամանատարությունը համապատասխան հետաքննություն է անցկացնում ՝ Ադրբեջանի կողմից իրականացրած կրակոցների հետևանքով Մարտակերտի շրջանում խաղաղ բնակչի մահվան կապակցությամբ: Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Հոկտեմբերի 9-ին Մարտակերտի շրջանում ադրբեջանական ԶՈՒ-ի կրակոցների հետևանքով մահացու վիրավորում է ստացել խաղաղ բնակիչ։ Մենք մեր ցավակցություններն ենք հայտնում զոհվածի բոլոր հարազատներին ու մտերիմներին»,- ասել է Զախարովան։
Նրա խոսքով՝ իրենց պատասխանատվության գոտում միջադեպեր թույլ չտալու համար ռուս խաղաղապահները մշտական կապի մեջ են Հայաստանի ու Ադրբեջանի գլխավոր շտաբների հետ։ Գերատեսչության ներկայացուցիչը հայտարարել է, որ սույն ողբերգական միջադեպը հաստատում է եռակողմ հայտարարության բոլոր դրույթների խիստ պահպանման անհրաժեշտությունը։
«Մենք կոչ ենք անում երկու կողմերին «բոլորը բոլորի դիմաց» սկզբունքով փոխանակել գերիներին և փոխանակվել ականապատ դաշտերի քարտեզներով», – ընդգծել է Զախարովան:
Հիշեցնենք՝ հոկտեմբերի 9-ին Մարտակերտի տարածքում գյուղատնտեսական աշխատանքներ իրականացնելիս ադրբեջանական ԶՈՒ-ի կողմից արձակված կրակոցներից զոհվել է քաղաքի բնակիչ Արամ Տեփնանցը։ Նա վիրավորվում է ստացել կրծքավանդակի հատվածում ու տեղում մահացել է։
Տաթև Ֆռանգյան
