16.09.2026 | 16:30
ԱԺ-Կառավարություն հարցուպատասխանը՝ ՈՒՂԻՂ
Սյունիքի մարզպետը Գորիս-Կապան այլընտրանքային ճանապարհի նորոգման աշխատանքների ավարտի ժամկետներ է նշել
Քաղաքականություն
13.10.2021 | 21:30
Մինչև տարվա վերջ կավարտենք Գորիս-Կապանի այլընտրանքային ճանապարհի կառուցումը։ Այս մասին այսօր Factor TV-ի հետ զրույցում հայտնեց Սյունիքի մարզպետ Մելիքսեթ Պողոսյանը։
«Տարածքային կառավարման նախարարը եկել է, երեկվանից իր հետ ստուգում ենք ճանապարհները։ Կառուցումը նորմալ ընթանում է նաև Տաթևից Կապան հատվածում։ Խոտ-Որոտան հատվածը 1 ամսից կավարտենք, Բարձրավան-Շուռնուխ հատվածն էլ մինչև տարեվերջ պատրաստ կլինի»,-մանրամասնեց Պողոսյանը։
Հիշեցնենք, որ սեպտեմբերի սկզբին հայտնի դարձավ, որ ադրբեջանական զինված ուժերը Որոտան գյուղի մոտակայքում՝ նախկինում ադրբեջանաբնակ, այժմ չբնակեցված Էյվազլիի մոտ, անցակետ են դրել և ստուգում են իրանական բեռնատարները։
Ամռան ընթացքում էլ Գորիս-Կապան ճանապարհի երկու հատվածներում էին ճանապարհը փակել, բանակցությունների արդյունքում այն վերաբացվեց, սակայն ինչ պայմաններով՝ մնաց անհայտ։ Ադրբեջանական ուժերը ճանապարհի, ընդհանուր առմամբ, 21 կիլոմետրանոց հատվածներում տեղակայվել էին դեկտեմբերին. խորհրդային քարտեզներով այդ տարածքները Զանգելան և Կուբաթլու շրջաններում են, որոնց զգալի մասը պատերազմից հետո ադրբեջանական տիրապետության տակ էր հայտնվել։ ՀՀ իշխանությունը որոշում կայացրեց իրականացնել Գորիս-Կապան այլընտրանքային ճանապարհի վերակառուցումը։
Մերի Մարտիրոսյան
