29.06.2026 | 18:10
ՔՊ-ն ԱԺ փոխնախագահի թեկնածուների կընտրի // Մոսկվան կրկին ՀՀ-ի եվրաինտեգրումից է խոսել․ ԼՈՒՐԵՐ
ԱՄՆ-ը, Կանադան, Ուկրաինան և ԵՄ 14 երկիր արտաքսում են իրենց երկրներից ռուս դիվանագետներին՝ «Սկրիպալի» գործի առնչությամբ (թարմացված)
Քաղաքականություն
26.03.2018 | 17:27
17:51
Կանադան, Ուկրաինան և ԵՄ անդամ 14 երկրներ որոշում են կայացրել իրենց երկրներից ռուս դիվանագետներին արտաքսելու մասին. հաղորդում է ria.ru-ն:
ԱՄՆ-ը 60 ռուս դիվանագետի է երկրից արտաքսում և փակում է Սիեթլում Ռուսաստանի հյուպատոսությունը. հաղորդում է meduza.io-ն:
Ըստ ԱՄՆ նախագահ Դոլադ Թրամփի վարչակազմի՝ այս քայլն ուղղված է ի պատասխան Մեծ Բրիտանիայում ՌԴ նախկին գնդապետ Սերգեյ Սկրիպալի և նրա դուստր Յուլիայի թունավորման: Բացի այդ, դիվանագետների արտաքսումը ազդակ է, որ Միացյալ Նահանգները «անթույլատրելի շատ է» համարում ռուսական հատուկ ծառայությունների աշխատակիցների թիվը իր երկրում:
Դիվանագետները 7 օրվա ընթացքում ստիպված կլինեն հեռանալ Միացյալ Նահանգներից:
Հիշեցնենք, որ մարտի 5-ին Սոլսբերի քաղաքի ոստիկանությունը հաղորդել էր, որ քաղաքի առևտրի կենտրոններից մեկում անհայտ ծագման վտանգավոր նյութից անգիտակից վիճակում հիվանդանոց է տեղափոխվել երկու անձ։ Հետագայում պարզվել է, որ խոսքը Սկրիպալի և նրա դստեր մասին է:
Այս միջադեպին հաջորդեց Միացյալ Թագավորության վարչապետ Թերեզա Մեյի հայտարարությունն առ այն, որ ՄԹ-ից կատաքսվի ՌԴ 23 դեսպան:
Նշենք, որ Սկրիպալը Ռուսաստանում 2006 թվականին դատապարտվել էր Մեծ Բրիտանիայի օգտին լրտեսելու համար, իսկ 2010 թվականին ապաստան էր ստացել Մեծ Բրիտանիայում. նրան փոխանակել են ԱՄՆ-ում ձերբակալված ռուս գործակալների հետ:
Եվրոպական չորս երկրներում՝ Լատվիայում, Լիտվայում, Էստոնիայում և Լեհաստանում ՌԴ դեսպանները կանչվել են ԱԳՆ:
Ավելի վաղ ԶԼՄ-ները տեղեկացրել էին, որ ԵՄ 20 երկրներ պատրաստակամություն են հայտնել`«Սկրիպալի» գործի հետ կապված ռուս դիվանագետներին իրենց երկրներից արտաքսելու մասին:
