29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Քննարկվում է նաև ժամանցի վայրեր այցելելու համար պատվաստման կամ թեստի պահանջ սահմանելու տարբերակը. ՏԵՍԱՆՅՈՒԹ
13.10.2021 | 12:17
Այս պահի դրությամբ քննարկվում է նաև առանց կանաչ անձնագրի ժամանցի վայրեր այցելություններն արգելելու մասին հարցը։ Այս մասին մամուլի ասուլիսի ժամանակ ասաց ՀՀ ԱՆ հիվանդությունների վերահսկման և կանխարգելման ազգային կենտրոնի վարաակիչ ու ոչ վարակիչ հիվանդությունների համաճարակաբանության վարչության պետ Ռոմելլա Աբովյանը։
Նա նշեց, որ ԵՄ անդամ շատ երկրներում, ինչպես նաև ՌԴ-ում կիրառվում են ավելի խիստ սահմանափակող միջոցառումներ։ Առանց կանաչ անձնագրի որոշ երկրներում չի թույլատրվում ժամանցի վայրեր այցելությունները։
«Այս պահի դրությամբ քննարկվում է նաև այդ սահամանափակող միջոցառումները սահմանելու հարցը։ Երբ հստակ որոշում լինի, արդեն կտեղեկացնենք»,-ասաց Ռոմելլա Աբովյանը։
Մասնագետը հավելեց, որ համապատասխան նախագիծն առկա է և քննարկման փուլում է, սակայն դեռ շահագրգիռ գերատեսչությունների կարծիքը չի ստացել։ Ռոմելլա Աբովյանն անկեղծացավ՝ նախագիծը մշակվել է երեկ երեկոյան և պաշտոնապես որևէ նախարարության կամ գերատեսչության կարծիքին դեռ չի ներկայացել, քանի որ մասնագիտական քննարկում պետք է տեղի ունենա։
Մանրամասները՝ տեսանյութում:
