11.09.2026 | 11:54
ՀՀ քննչական կոմիտեի և ՉԺՀ հանրային անվտանգության նախարարության միջև ստորագրվել է փոխըմբռնման հուշագիր
Շախմատի պատմության մեջ մեծ իրադարձություն է, հաղթանակ ենք ակնկալում. Սմբատ Լպուտյան. ՏԵՍԱՆՅՈՒԹ
13.10.2021 | 10:13
Այսօր արդարադատության նախարար Կարեն Անդրեասյանը, Շախմատի ակադեմիայի հիմնադիր նախագահ, գրոսմայստեր Սմբատ Լպուտյանը և ԱՆ քրեակատարողական ծառայության պետ Սերգեյ Ատոմյանը Շախմատի ակադեմիայում ներկա եղան բանտարկյալների շախմատի աշխարհի առաջին առցանց առաջնության բացման արարողությանը:
Աշխարհի այս առաջնությանը մասնակցում է 31 երկրների 43 թիմ:
Սմբատ Լպուտյանը նշեց, որ իրականում այսօր շախմատային մեծ տոն է ամբողջ աշխարհում: «Այսօր առաջին անգամ անցկացվում է դատապարտյալների միջև աշխարհի առցանց անդրանիկ առաջնությունը: Սա իսկապես շատ մեծ իրադարձություն է շախմատի աշխարհի համար և ՖԻԴԵ-ն առանձնահատուկ ուշադրություն է դարձնում այս մրցաշարին: Հավատացեք, որ կես տարի նախապատրաստական աշխատանքներ են ընթացել:
Տեղեկացնեմ, որ Հայաստանի շախմատի հետազոտական ինստիտուտը բավականին մեծ հետազոտություն է սկսել քրեակատարողական ոլորտում և արդեն ունենք որոշ ամփոփումներ, որոնք ուղարկվել են ՖԻԴԵ և սկսել են տարածում գտնել:
Հայաստանը միշտ եղել է շախմատային երկիր, միշտ եղել է առաջինների մեջ: Հուսով եմ, որ մեր դատապարտյալների հավաքականը իր խաղով և արդյունքով բոլորիս կուրախացի և վաղը եզրափակիչ փուլում խաղալու հնարավորություն կունենա»,- նշեց Սերգեյ Լպուտյանը:
Գրոսմայստերը դատապարտյալ շախմատիստներին հաջողություն և հաղթանակ մաղթեց:
Մանրամասները՝ տեսանյութում:
