Քաղաքականություն
12.10.2021 | 21:19
Թուրքիայի նախագահի մամուլի խոսնակ ու գլխավոր խորհրդաական Իբրահիմ Քալընը հաստատել է, որ Թուրքիան դիտարկում է ԱՄՆ-ից Lockheed Martin-made F-16 կործանիչների գնելու հնարավորությունը։
Թուրքական Milliyet-ի հետ հարցազրույցում Իբրահիմ Քալընը ասել է, որ հարցը դեռ գնահատման փուլում է։
«Մեր F-16-ի ընդլայնումն ու մեր ունեցածի արդիականացումը կարող է դիտարկվել, որպես այլընտրանք»,- ասել է Քալընը՝ քննադատելով Թուրքիային F-35 կործանիչների ծրագրից հեռացնելու ԱՄՆ որոշումը։
«Դա ամբողջովին անօրինական ու անարդար պրակտիկա է։ Դա սխալ է և ծախսատար որոշում ոչ միայն Թուրքիայի, այլև F-35 ծրագրի համար։ Մենք հուսով եք, որ նրանք այս սխալը, որքան հնարավոր է շուտ կուղղեն»,- ասել է Թուրքիայի նախագահի խոսնակը՝ նշելով, որ դրա համար 1․4 մլրդ դոլար են վճարել։
Հավելենք, որ մամուլում տարածված տեղեկությունների համաձայն՝ Թուրքիայի նախագահ Ռեջեփ Թայիփ Էրդողանը ցանկանում է Հռոմում G20 գագաթնաժողովի շրջանակներում հանդիպել ԱՄՆ նախագահ Ջո Բայդենին հենց F-16-ի գործարքի քննարկելու համար։
Էմմա Չոբանյան
