14.10.2026 | 17:31
Հայաստանի լրագրողների ֆուտբոլի հավաքականը՝ Կոտե Մախարաձեի 100-ամյակին նվիրված հուշամրցաշարի հաղթող
ՀՀ պատվիրակությունը կմասնակցի միջուկային հետազոտությունների գիտաժողովին
Հասարակություն
26.03.2018 | 14:49
ՀՀ կրթության և գիտության նախարար Լևոն Մկրտչյանի գլխավորած պատվիրակությունը երկօրյա պաշտոնական այցով մեկնել է Մոսկվա՝ մասնակցելու մարտի 26-ից 27-ը Միջուկային հետազոտությունների միացյալ ինստիտուտի անդամ-պետությունների լիազոր ներկայացուցիչների կոմիտեի նստաշրջանին:Նստաշրջանի շրջանակում տեղի է ունենալու «ՄՀՄԻ – նոր դարաշրջանի 25 տարին» խորագրով միջազգային գիտաժողովը, որին հրավիրված են ՄՀՄԻ անդամ-պետությունների գիտության, կրթության, ինովացիոն ոլորտի նախարարներ, կառավարությունների լիազոր ներկայացուցիչներ, դեսպաններ և այլ պատվավոր հյուրեր միջազգային գիտական համայնքից: Գիտաժողովում ՀՀ ԿԳ նախարար Լևոն Մկրտչյանը հանդես է գալու ելույթով:
Նստաշրջանի օրակարգային հարցերից են ՄՀՄԻ առաջատար լաբորատորիաների ձեռքբերումների ներկայացումը, ՄՀՄԻ երկարաժամկետ ռազմավարական ծրագրի նախագծի մշակման աշխատանքների ընթացքի քննարկումը և գիտական խորհրդի առաջարկությունների ամփոփումը:
Այցի շրջանակում նախատեսվում է նաև ՀՀ ԿԳ նախարար Լևոն Մկրտչյանի հանդիպումը ՌԴ կրթության և գիտության նախարար Օլգա Վասիլևայի հետ:
