11.12.2024 | 18:32
Մխիթար Հայրապետյանը ուղղորդե՞լ է Հակոբ Ասլանյանին «մեղայականով» հանդես գալ․ պատգամավորն ուշագրավ սքրինշոթեր է հրապարակել
Հրապարակվել են դատավորների կարգապահական պատասխանատվության պրակտիկայի ուսումնասիրության արդյունքները
Հասարակություն
12.10.2021 | 17:16
«Իրավունքների պաշտպանություն առանց սահմանների» ՀԿ կողմից ուսումնասիրվել են Բարձրագույն դատական խորհրդի (այսուհետ՝ ԲԴԽ) կողմից 2018 թվականի ապրիլից մինչև 2020 թվականի դեկտեմբերի 31-ը կայացված դատավորներին կարգապահական պատասխանատվության ենթարկելու միջնորդությունների քննության վերաբերյալ կայացված որոշումները. տեղեկացնում են «Իրավունքների պաշտպանություն առանց սահմանների» ՀԿ-ից:
Սույն ուսումնասիրության շրջանակներում դիտարկվել են «ՀՀ դատական օրենսգիրք» ՀՀ սահմանադրական օրենքում կատարված օրենսդրական փոփոխություններն ու լրացումները և դրանց հիման վրա՝ դատավորներին կարգապահական պատասխանատվության ենթարկելու մասին ԲԴԽ-ի որոշումները, վեր հանվել գոյություն ունեցող օրենսդրական և գործնական խնդիրները:
Արդյունքները թույլ են տվել դուրս բերել ԲԴԽ-ի որոշումներով դատավորների նկատմամբ կիրառված կարգապահական պատասխանատվության տեսակները և արձանագրել նույն արարքի համար տարբեր դատավորներին տարբեր կարգապահական տույժերի ենթարկելու պրակտիկան ու խնդիրները:
Նշված խնդիրների արձանագրումը և դրանց լուծմանն ուղղված առաջարկությունները էական են կայացված որոշումների հիմնավորվածության, ընտրված պատասխանատվության միջոցների համաչափության և կարգապահական պատասխանատվության ինստիտուտի արդյունավետ գործունեության տեսանկյունից։ Զեկույցը և եզրահանգումները կարևոր նշանակություն ունեն քննարկվող հարցի առնչությամբ պետության համապատասխան իրավասու մարմինների հետագա գործունեությունը առավել կանոնակարգված և նպատակային դարձնելու համար։
Սույն զեկույցը պատրաստվել է «Իրավունքների պաշտպանություն առանց սահմանների» հասարակական կազմակերպության կողմից իրականացվող «Դատական իշխանության անկախության ապահովումը դատաիրավական բարեփոխումների համատեքստում» ծրագրի շրջանակներում: Ծրագիրն իրականացվում է Բաց հասարակության հիմնադրամներ-Հայաստանի ֆինանսավորմամբ:
Դատավորների կարգապահական պատասխանատվության պրակտիկայի ուսումնասիրություն Մաս 1-ին
Դատավորների կարգապահական պատասխանատվության պրակտիկայի ուսումնասիրություն Մաս 2-րդ
