28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
ԵԱՀԿ գործող նախագահը պատասխանել է «3+3» ձևաչափի մասին Factor.am-ի հարցմանը
Քաղաքականություն
12.10.2021 | 16:16
Որպես ԵԱՀԿ նախագահ՝ չենք մեկնաբանի մասնակից պետության նախաձեռնությունները: Factor.am-ի հարցմանը՝ ի՞նչ կարծիք ունի ԵԱՀԿ գործող նախագահը ՌԴ արտգործնախարար Սերգեյ Լավրովի առաջարկած «3+3» բանակցային ձևաչափի մասին, այսպես են պատասխանել ԵԱՀԿ գործող նախագահ, Շվեդիայի արտաքին գործերի նախարար Անն Լինդեի մամուլի գրասենյակից։
«Նախագահությունը լիովին աջակցում է Մինսկի խմբի համանախագահների աշխատանքին»,- նշված է պատասխանում։
Հիշեցնենք, որ Ռուսաստանի և Իրանի ԱԳ նախարարները Մոսկվայում համատեղ մամուլի ասուլիսի ժամանակ հայտարարել էին բանակցային նոր՝ «3+3» ձևաչափի քննարկման մասին, որը, իրենցից բացի, ներառելու է Հայաստանը, Ադրբեջանը, Թուրքիան և Վրաստանը:
ՌԴ ԱԳ նախարար Սերգեյ Լավրովը նշել էր, որ ձևաչափի շրջանակում քննարկվելու է տարածաշրջանում տնտեսական և տրանսպորտային ուղիների ապաշրջափակման հարցը՝ հավելելով, որ իրանական կողմը դրական վերաբերմունք է հայտնել գաղափարի վերաբերյալ:
Հռիփսիմե Հովհաննիսյան
