10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Պաշտպանը միջնորդեց վերացնել Արմեն Գևորգյանի նկատմամբ կիրառված սահմանային տեղաշարժի արգելքը․ ՏԵՍԱՆՅՈՒԹ
Հասարակություն
12.10.2021 | 14:21
ՀՀ երկրորդ նախագահ Ռոբերտ Քոչարյանի և ՀՀ նախկին փոխվարչապետ Արմեն Գևորգյանի գործով դատական նիստում փաստաբան Լուսինե Սահակյանը ներկայացրեց երկու միջնորդություն, որոնցից մեկը վերաբերում էր Արմեն Գևորգյանի տեղաշարժի սահմանափակումը հանելուն, ԵԽԽՎ նիստին մեկնելու թույլտվությանը։
Փաստաբանը հիշեցրեց, որ Հայաստանը համաձայնագրի մասնակից է, որը ենթադրում է ԵԽԽՎ պատվիրակության անդամների բացարձակ անձեռնմխելիություն, անձեռնմխելիության հաղթահարման դեպքում ազգային մակարդակով անհրաժեշտ է նաև հաղթահարել անձեռնմխելիությունը ԵԽԽՎ մակարդակով, ինչպես նաև պատվիրակը օգտվում է տեղաշարժի ազատությունից։
Նման միջնորդություն տրամադրվել էր նաև անցած նիստին, դատարանը որոշել էր, որ յուրաքանչյուր դեպքում առանձին է վճռելու։
Փաստաբանը՝ տեղեկացրեց,որ 2021թ. դեկտեմբերի 1-ին Մոսկվայում կայանալու է ԵԽԽՎ հանձնաժողովի նիստը, և նշեց, որ միջնորդելու է թույլ տալ իր պաշտպանյալին դուրս գալ երկրից հանձնաժողովի նիստի ընթացքում։ Փաստաբանը ներկայացրեց անհրաժեշտ փաստաթղթերը։
Դատավորը ճշտեց «հիբրիդային» բառի նշանակությունը նիստի վերաբերյալ. պարզվեց, որ այն ենթադրում է օնլայն մասնակցության հնարավորություն։ Բայց փաստաբանը ճշտեց, որ խոսքը նաև հանդիպումների մասին է, որոնք չեն կարող հեռակա կարգով տեղի ունենալ։ Դատավորը շարունակեց պարզել՝ արդյո՞ք Գևորգյանը զրկված է եղել հանդիպումներին օնլայն մասնակցության հնարավորությունից, որոնք տեղի են ունեցել սեպտեմբերի վերջին։
Գևորգյանը նշեց, որ զրկված չի եղել, բայց իր մասնակցությունը և որպես հանձնաժաղովի նոր անդամ ծանոթությունը գործընկերների հետ էապես տուժել են։
Մանրամասները՝ տեսանյութում:
