Փոքր համայնքները կդատարկվեն, թե կզարգանան․ խոշորացման ծրագիրը` խոշորացույցի տակ. ՏԵՍԱՆՅՈւԹ

Համայնքների խոշորացման ծրագիրը կապահովի համայնքների համաչափ զարգացումը, կօպտիմալացնի կառավարումը՝ մինչ պնդում է իշխանությունը, ընդդիմությունը կասկածի տակ է առնում նախագծի օրինականությունը։  Դեռ սեպտեմբերի 24-ին, Ազգային ժողովում հաստատվեց նախագիծը, որով խոշորացման նոր փուլի արդյունքում 441 համայնք միավորվելով, կդառնա 38-ը։ Հայաստանը ընդամենը կունենա 79 համայնք՝ ներառյալ Երևանը։ Խոշորացման ենթակա համայնքները հաճախ են դեմ արտահայտվել խոշորացման ծրագրին։ 

Մոտ 1 ամիս առաջ էր, Գեղարքունիքի մարզի Գեղամասար խոշորացված համայնքի բնակիչները փակել էին Սոթք-Վարդենիս ճանապարհ բողոքելով խոշորացման դեմ։ Գեղամասար համայնքը դեռ 2017-ին արդեն մեկ անգամ խոշորացվել է՝ ընդգրկում է 18 համայնք, երկրորդ փուլով նախատեսվում է միավորված համայնքների թիվը հասցնել 36-ի, ներառյալ՝ Վարդենիսը։ 

«Ես շատ վստահ եմ, որ էն 5-10 000 բնակիչ ունեցող գյուերում էլ էնքան խնդիրներ կան, որ էդ խնդիրների վրա են կենտրոնանալու։ Փոքր գյուղերը անտեսվելու են, առանց էդ էլ մարդիկ անուշադրության են մատնված և մի փոքր էլ ուշադրության պակաս լինի, կունենանք բնակավայրերի լքում», – ասում է Գեղամասար խոշորացված համայնքի ղեկավար Հակոբ Ավետյանը։

Այս տեսակետի հետ համամիտ չեն խոշորացված Ակունք, Ջրվեժ և Բյուրեղավան համայնքների ղեկավարները։  Նրանք միակարծիք էին, որ խոշորացումից ավելի շատ շահում են հենց փոքր համայնքները։ 2017թ-ին, Ջրվեժ, Ձորաղբյուր և Զովք համայնքները միավորվեցին մեկ՝ Ջրվեժ համայնքում։ 

Ծրագրեր նաև մյուս համայնքներում են իրականացվում՝ Ջրվեժում   մանկապարտեզ է կառուցվում, Ձորաղբյուրում՝ ջրագծերն են  կապիտալ վերանորոգվում։ Սրանք միայն այս տարի՝ շեշտում է Ջրվեժ խոշորացված համայնքի ղեկավարը։ Դժգոհություններ միշտ և բոլոր դեպքերում էլ լինում, բայց գերակշռում են դրական կարծիքները՝ ասում է համայնքի ղեկավարը։

Սա նշանակում է, որ որևէ փաստաթղթի համար երկար ճանապարհ կտրելու անհրաժեշտություն չկա, պարզաբանում են, որ գրեթե բոլոր համայնքներում գործում են գրասենյակներ, վարչական ղեկավարները ունեն կնիքներ և բոլոր հարցերն ու փաստաթղթերի տրամադրումը կարգավորվում է տեղում՝ առանց համայնքից դուրս գալու անհրաժեշտության։ Թե ինչպես, մեզ արդեն բացատրում են 8 բնակավայր միավորող Ակունք խոշորացված համայնքում։ 

Վարչատարածքային փոփոխություններ իրականացնելը Կառավարության իրավունքն է՝ ասում է Տարածքային կառավարման և ենթակառուցվածքների նախարարության ներկայացուցիչ

 Աշոտ Գիլոյանը՝ կանխելով ընդդիմության կողմից ներկայացված դժգոհությունների վերաբերյալ հարցը։ Նախկին Սահմանդրությամբ կար պահանջ՝ վարչատարածքային փոփոխություններ իրականցնելիս հանրաքվե անցկացնելու, ինչը սահամանդրական  փոփոխությունների արդյունքում հանվեց։ Ընդդիմությունը հիմա իշխանությանը մեղադրում է ոչ միայն հանրաքվե չանցկացնելու այլև հնարային   լսումներ չիրականացնելու մեջ։   

Այդուհանդերձ, ընդդիմությունը նախագիծը հակասահմանադրական է համարում։ «Հայաստան» և «Պատիվ ունեմ» դաշինքները դիմել են Սահմանադրական դատարան։ Նշում են նաև, որ խոշորացմանը դեմ չեն, բայց այս դեպքում ծրագիրն ավելի շատ անցանկալի ՏԻՄ ղեկավարներին հեռացնելու քաղաքական նպատակ են որակում։ 

Մանրամասները՝ տեսանյութում։

Սաթենիկ Հայրապետյան