14.01.2026 | 19:29
Պապիկյանը հետևել է սպայական կազմերի ատեստավորման գործընթացի կրակային փուլին
Իրանի արտգործնախարարը պատրաստվում է այցելել Երևան և Բաքու
Քաղաքականություն
11.10.2021 | 14:45
Իրանի արտգործնախարար Հոսեյն Ամիր-Աբդոլլահիանը պատրաստվում է այցելել Երևան և Բաքու։ Այս մասին նա հայտնել է ռուսական հեռուստաալիքին տված հարցազրույցում, գրում է Mehr գործակալությունը։
«Հարևանների, այդ թվում ՝ հյուսիսային հարևանների վրա կենտրոնանալը Իրանի նոր կառավարության արտաքին քաղաքական առաջնահերթություններից է»,- ասել է իրանցի նախարարը:
«Ադրբեջանի Հանրապետությունը և Հայաստանի Հանրապետությունը Իրանի Իսլամական Հանրապետության երկու լավ հարևաններն են, ուստի մենք չենք կարող աշխատել միմյանց դեմ: Իրանի արտաքին քաղաքականությունը հավասարակշռված է: Հետևաբար, Ադրբեջանի ու Հայաստանի հետ Իրանի ընդհանուր շահերին համահունչ, մենք կարգավորում ենք հարաբերությունները երկու երկրների հետ», – ավելացրել է նա:
«Քանի որ Հայաստանի արտաքին գործերի նախարարն օրեր առաջ այցելել էր Թեհրան, Ադրբեջանի արտաքին գործերի նախարարը ևս հնարավորություն ունի այցելել Թեհրան, ես նույնպես հարմար ժամանակ կայցելեմ երկու երկրներ», – ասել է Ամիր-Աբդոլլահիանը։
Տաթև Ֆռանգյան
