10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Փողոցային պայքարի համար ռեսուրս չկա. Աղվան Վարդանյան. ՏԵՍԱՆՅՈՒԹ
Քաղաքականություն
26.03.2018 | 11:27
«Յուրաքանչյուր կազմակերպություն, միավոր ինքն է որոշում իր պայքարի մեթոդները, ձևերը, առաջնահերթությունները, անձնավորված պայքարին ես չեմ հավատում, որովհետև հավատում եմ համակարգային փոփոխություններին, և համակարգերը պարտադրելու են իրենց լուծումները: Թող փորձեն, թող աշխատեն, առաջին անգամը չէ, բայց ես Հայաստանում ոչ միայն նման պայքարի ինստիտուցիոնալ հիմքը չեմ տեսնում, այլև ռեսուրսները»,- այս մասին այսօր ԱԺ խորհրդարանական ճեպազրույցների ժամին ասաց ԱԺ ՀՅԴ խմբակցության քարտուղար Աղվան Վարդանյանը՝ անդրադառնալով Սերժ Սարգսյանի վարչապետության դեմ ընդդիմադիր ուժերի սկսած պայքարին:
Դիտարկմանը, թե այս համակարգի պատասխանատուն կոնկրետ անձն է, Աղվան Վարդանյանն արձագանքեց. «Ստեղծման համար տարիների աշխատանք է կատարվել, և ամեն ինչ պայմանավորել մեկ անձով սխալ է, չեմ տեսնում հիմք, ռեսուրս, բայց կապրենք, կտեսնենք»:
Մանրմասները՝ տեսանյութում:
