07.04.2026 | 16:36
ՌԴ-ն Իրանին տրամադրում է արբանյակային լուսանկարներ՝ ԱՄՆ ռազմաբազաներին և Իսրայելում էներգետիկ օբյեկտներին հարվածելու համար
Կեմերովոյի առևտրի կենտրոնում բռնկված խոշոր հրդեհի հետևանքով զոհերի թիվը հասել է 64-ի, տուժածների մեջ հայեր կան. ՏԵՍԱՆՅՈՒԹ (թարմացված)
Քաղաքականություն
26.03.2018 | 10:26
12:38
Հրդեհի զոհերի թիվը հասել է 64-ի. այս մասին հայտարարել է ՌԴ Արտակարգ իրավիճակների նախարար Վլադիմիր Պուչկովը. փոխանցում է meduza.io-ն:
Մոտ տասը մարդ դեռևս անհետ կորած է համարվում: Ավելի քան 40 մարդ վիրավորվել է, որոնցից 10-ը գտնվում են քաղաքի հիվանդանոցներում:
Իսկ ՀՀ ԱԳՆ մամուլի խոսնակ Տիգրան Բալայանը Թվիթերի իր միկրոբլոգում արված գրառմամբ տեղեկացրել է, որ՝ «Նախնական տեղեկություններով Կեմերովոյում հրդեհի հետևանքով տուժածների մեջ կան հայեր։ Հավելյալ տեղեկություններ կհայտնենք՝ @armembrus-ից դրանց ստանալուն պես»։
12:22
Զոհերի թիվը հասել է 56-ի, հայտնում է ria.ru-ն՝ ՌԴ Քննչական կոմիտեին հղում նելով։
Քննչական կոմիտեն հաստատել է, որ ՌԴ Կեմերովո քաղաքի «Զիմնյայա վիշնյա» առևտրի կենտրոնում մարտի 25-ին տեղի ունեցած խոշոր հրդեհի հետևանքով զոհերի թիվը հասել է 53-ի. հայտնում է ria.ru-ն:
Չորսհարկանի առևտրի կենտրոնում հրդեհը սկսվել է կիրակի առավոտյան: Նախապես զոհերի թիվը հաղորդվել էր 48, այդ թվում՝ 9 երեխա:
Նշվում է, որ հրդեհի գործով ձերբակալվել է 4 մարդ:
Ականատեսների վկայությամբ՝ հրդեհի ժամանակ որևէ մեկը չի զբաղվել մարդկանց անվտանգ տարհանելու գործով ու հրդեհի տագնապի ազդանշանը չի աշխատել:
