23.08.2026 | 16:09
Զինծառայողի մահվան դեպքով քրեական վարույթ է նախաձեռնվել․ առերևույթ սպանություն կատարած անձը ձերբակալվել է
Ոչ հեռու ապագայում կտեսնեք Իրանի ջանքերի արդյունքը տարածաշրջանում խաղաղության և անվտանգության հաստատման գործում․ Իրանի ԱԳ նախարար
Քաղաքականություն
08.10.2021 | 23:14
Իրանի ԱԳ նախարարը Լիբանան կատարած այցի ընթացքում հանդես է եկել մամուլի ասուլիսով՝ մի շարք այլ հարցերից զատ՝ անդրադառնալով նաև Հարավային Կովկասում զարգացումներին, գրում է Mehr գործակալությունը։
Հոսեյն Ամիր Աբդուլահիանը նշել է, որ «Իրանը թույլ չի տա սիոնիստներին իր հարևանությամբ վտանգ ստեղծել տարածաշրջանի անվտանգության համար»։
«Ոչ հեռու ապագայում կտեսնեք Իրանի ջանքերի արդյունքը տարածաշրջանում խաղաղության, կայունության ու անվտանգության հաստատման գործում։ Տարածաշրջանում և Կովկասում մեր հարևանների հետ համագործակցելով՝ թույլ չենք տա սիոնիստներին որևէ հետախուզական քայլեր իրականացնել։ Մենք պատրաստ ենք հավաքական համագործակցությամբ ցանկացած գործողության տարածաշրջանում՝ խաղաղության, կայունության համար»,- ասել է Իրանի ԱԳ նախարարը։
Էմմա Չոբանյան
