25.04.2026 | 18:02
Փաշինյանը ներկա է գտնվել Մալխաս և Ռոման Ամոյանների անվան նոր մարզադպրոցի հիմնարկեքի արարողությանը
Չինաստանը խորապես անհանգստացած է ամերիկյան միջուկային սուզանավի հետ տեղի ունեցած միջադեպից
Քաղաքականություն
08.10.2021 | 19:37
Չինաստանը խորապես անհանգստացած է Հնդկախաղաղօվկիանոսյան տարածաշրջանի միջազգային ջրերում ամերիկյան միջուկային սուզանավի հետ տեղի ունեցած միջադեպից: Այսօր տեղի ունեցած ճեպազրույցի ժամանակ ասել է Չինաստանի ԱԳՆ խոսնակ Չժաո Լիջյանը, գրում է ՌԻԱ Նովոստին:
Ավելի վաղ ԱՄՆ Ռազմածովային ուժերը հայտնել էին, որ հոկտեմբերի 2-ին Հնդկախաղաղօվկիանոսյան տարածաշրջանի միջազգային ջրերում օբյեկտի հետ բախման հետևանքով վնասվել է ամերիկյան միջուկային գրոհային սուզանավը: Ավելի ուշ գերատեսչական USNI News հրատարակությունը հայտնեց, որ բախման հետևանքով 11 ամերիկացի նավաստիներ են վիրավորվել:
«Չինաստանը լրջորեն անհանգստացած է այս միջադեպով»,- ասել է երկրի ԱԳՆ խոսնակը։
Տաթև Ֆռանգյան
