Քաղաքականություն
08.10.2021 | 14:32
Ամերիկյան USS Connecticut միջուկային սուզանավը Հարավ-Չինական ծովում՝ միջազգային ջրերում սուզման ժամանակ բախվել է անհայտ օբյեկտի։ Այս մասին հայտնում է CNN-ը։
«Սուզանավն անվտանգ և կայուն վիճակում է։ USS Connecticut-ի միջուկային մղման կայանն ու ներքին սրահները չեն վնասվել, լիարժեք աշխատանքային վիճակում են»,- ասված է ԱՄՆ ռազմածովային ուժերի հայտարարության մեջ։
Նշվում է, բախման հետևանքով 11 նավաստի է տուժել։
«Կյանքին սպառնացող վնասվածքներ չկան»,- հայտնել են ԱՄՆ ռազմածովային ուժերից։
Թե կոնկրետ ինչ օբյեկտի է բախվել սուզանավը, դեռևս հայտնի չէ։ Նավատորմի ներկայացուցիչները մտադիր են հետաքննություն անցկացնել՝ միջադեպի պատճառները պարզելու համար։ Ամերիկյան սուզանավն այս պահին ուղևորվում է դեպի Գուամ, ուր կհասնի առաջիկա օրվա ընթացքում։
CNN-ը նշում է, որ ԱՄՆ ռազմաօդային ուժերը չեն հստակեցնում՝ արդյո՞ք միջադեպը գրանցվել է Հարավ-Չինական ծովում՝ տեղեկացնելով, բախումը տեղի է ունեցել Հնդկախաղաղօվկիանոսյան տարածաշրջանի միջազգային ջրերում։ Շեշտվում է, որ միջադեպը գրանցվել է ԱՄՆճի և Չինաստանի միջև Թայվանի շուրջ իրավիճակի սրման ֆոնին։
Տաթև Ֆռանգյան
