13.01.2025 | 20:47
Սիրիայի նոր իշխանությունները թույլատրել են արտասահմանյան ապրանքներ ներմուծել
Հոգեբուժարաններում համավարակի ընթացքում չի ապահովվել տեսազանգի հնարավորությունը. ՏԵՍԱՆՅՈՒԹ
Հասարակություն
08.10.2021 | 13:26
Հոգեբուժական հաստատություններում հասարակական դիտորդական առաքելություն իրականացրած խումբը Հոգեկան առողջության միջազգային օրվան՝ հոկտեմբերի 10-ին ընդառաջ կազմակերպել է քննարկում-մամուլի ասուլիս՝ «ՀՀ հոգեբուժական հաստատությունները նոր կորոնավիրուսային վարակի պայմաններում» թեմայով։
Խումբը տեղեկություններ հայտնեց հոգեբուժական հաստատություններում COVID-19-ին դիմակայելու հետ կապված խնդիրների և սոմատիկ հիվանդությունների վերահսկման ու կանխարգելման վիճակի մասին:
Նշվեց, որ զեկույցի միջոցով ներկայացվել է, թե ինչքանով է պետությունը COVID-19 համավարակի պայմաններում կարողացել ապահովել հոգեկան առողջական խնդիրներ ունեցող անձանց իրավունքների պաշտպանությունը:
«Պետությունը չի ապահովել հոգեկան առողջական խնդիրներ ունեցող անձանց համար տեսազանգերի հնարավորությունը: Մասնավորապես կորոնավիրուսի տարածումը և արտակարգ դրության հայտարարումն ու սահմանափակումները բացասաբար անդրադարձան նաև հոգեկան առողջական խնդիրներ ունեցող անձանց վրա, որովհետև արգելվեցին ծանրոցների փոխանցումն ու տեսակցությունները, բացառությամբ՝ տեսազանգերի: Դա նշանակում է, որ պետությունը պետք է բավարար քանակով սարքավորումներ տրամադրեր, որպեսզի հոգեկան առողջական խնդիրներ ունեցող անձինք կարողանան կապ հաստատել իրենց հարազատների հետ, մեր դիտարկումների արդյունքում պարզվեց, որ դա չի ապահովվել»,- այս մասին տեղեկացրեց «Մարդու իրավունքների տուն» կազմակերպության ներկայացուցիչ Վաղինակ Տեր-Հովհաննիսյանը:
Մանրամասները՝ տեսանյութում:
