17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Հոգեբուժարաններում մահացության դեպքերի 26%-ը սոմատիկ հիվանդություններից է. Սաքունց. ՏԵՍԱՆՅՈՒԹ
Հասարակություն
08.10.2021 | 13:10
Հոգեբուժական հաստատություններում առաքելություն իրականացրած հասարակական դիտորդական խումբը Հոգեկան առողջության միջազգային օրվան՝ հոկտեմբերի 10-ին ընդառաջ կազմակերպել է քննարկում-մամուլի ասուլիս՝ «ՀՀ հոգեբուժական հաստատությունները նոր կորոնավիրուսային վարակի պայմաններում» թեմայով։
Խումբը տեղեկություններ հայտնեց հոգեբուժական հաստատություններում COVID-19-ին դիմակայելու հետ կապված խնդիրների և սոմատիկ հիվանդությունների վերահսկման ու կանխարգելման վիճակի մասին:
«Զեկույցի միջոցով ներկայացրել ենք, թե ինչքանով է պետությունը COVID-19 համավարակի պայմաններում կարողացել ապահովել հոգեկան առողջական խնդիրներ ունեցող անձանց իրավունքների պաշտպանությունը:
Համավարակը լուրջ մարտահրավեր է, և առավել ծանր ազդեցություն թողնում է խոցելի խմբերի վրա, այդ թվում՝ հոգեկան առողջության խնդիրներ ունեցողների վրա, հատկապես նրանց վրա, որոնք հոգեբուժական օգնություն են ստանում հոգեբուժարաններում»,- նշեց ՀՔԱՎ Վանաձորի գրասենյակի ղեկավար Արթուր Սաքունցը՝ հավելելով, որ խմբի կողմից ուսումնասիրությունները հնարավոր է եղել իրականացնել տարբեր աջակցությունների շնորհիվ, այդ թվում՝ նաև Նիդերլանդների Հելսինկյան կոմիտեի կողմից, որի աջակցության ընդհանուր չափը կազմել է 3 մլն դրամ:
«Հայտնի փաստ է, և նաև միջազգային ուսումնասիրություններն են ցույց տալիս, որ հոգեբուժական հաստատություններում մահացություննների 26%-ը տեղի են ունենում հենց սոմատիկ հիվանդություններից, այսինքն՝ հոգեկան առողջական խնդիրներից մահացության դեպքեր չեն լինում,- ընդգծեց Սաքունցը:- Կորոնավիրուսի պայմաններում ինչպիսին է բժշկական աջակցության վիճակը եղել հոգեբուժական հաստատություններում սոմատիկ հիվանդությունների առումով, սա առանձնահատուկ թեմա է կորոնավիրուսի պայաններում, որն ուսումնասիրվել է և տրվել են գնահատականներ, զեկույցներ են ներկայացվել առողջապահության նախարարությանը՝ ակնկալելով փոփոխություններ կատարել արձանագրված խնդիրների վերաբերյալ»:
Մանրամասները՝ տեսանյութում:
