16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ընդդիմությունն Էրդողանից պահանջում է առողջության մասին տեղեկանք՝ դա համարելով ազգային անվտանգության հարց
Քաղաքականություն
07.10.2021 | 23:38
Թուրքիայի նախագահ Ռեջեփ Թայիփ Էրդողանի առողջության վիճակի մասին զեկույցի պահանջը դարձել է ազգային անվտանգության հարց։ Այս մասին հայտարարել է երկրի գլխավոր ընդդիմադիր Ժողովրդա-հանրապետական կուսակցության ղեկավար Քեմալ Քըլըչդարօղլուն, գրում է «Ահվալ» գործակալությունը։
Ըստ ընդդիմադիր գործչի՝ Էրդողանը շփոթել է իշխող «Արդարություն և զարգացում» կուսակցության անդամների մեկնաբանություններն իր ասածների հետ։
«ԱԶԿ անդամները պահանջում են փոխել Սահմանադրության առաջին չորս կետերը, մինչդեռ Էրդողանը կարծում է, որ դա ես եմ։ Պետական անվտանգության խնդիր է առողջության մասին զեկույցի պահանջը։ էրդողանը պետք է առողջության տեղեկանք վերցնի անկախ հաստատությունից և դա անի անմիջապես»,- թվիթերյան իր էջում գրել է Քըլըչդարօղլուն։
Նշենք, որ փորձագետ Սթիվեն Քուքը հրապարակում էր արել, որ նախագահ Էրդողանի առողջությունը կտրուկ վատանում է՝ մեջբերելով մի շարք տեսանյութեր, որտեղ երևում է, որ Թուրքիայի նախագահը դժվարությամբ է քայլում, հազիվ խոսում։ Քուքը նաև նշել է, թե Էրդողանի վիճակն այնքան վատ է, որ հանրային ելույթներից առաջ ուժեղ ցավազրկողներ պետք է ընդունի։ Ըստ փորձագետի՝ Էրդողանը չի կարողանա մասնակցել 2023 թվականի նախագահական ընտրություններին և, ամենայն հավանակությամբ, նրան կփոխարինի պաշտպանության նախարար Հուլուսի Աքարը։
Էմմա Չոբանյան
