07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Փաշինյանի դժգոհությունը տեղին է. Անահիտ Ավանեսյան. ՏԵՍԱՆՅՈՒԹ
07.10.2021 | 12:03
Պետք է անենք ամեն ինչ, որ պատվաստման ցուցանիշները հասցնենք թիրախային կետերին: Այս մասին լրագրողների հետ ճեպազրույցում հայտարարեց ՀՀ առողջապահության նախարար Անահիտ Ավանեսյանը՝ անդրադառնալով դիտարկմանը, որ Նիկոլ Փաշինյանը Կառավարության նիստում զայրացավ՝ նշելով՝ պատվաստման թվերը գոհացուցիչ չեն, մի՛ բողոքեք, թե խանգարում են, խնդիր եմ դրել, գնացեք լուծեք:
Նախարարի խոսքով՝ վարչապետի դժգոհությունը տեղին է:
Ավանեսյանը նշեց, որ առաջիկայում կքննարկեն, թե ինչ լրացուցիչ միջոցներ է պետք կիրառել, որպեսզի քաղաքացիները պատվաստման ընթացքին ավելի ակտիվ մասնակցեն:
«Մենք ունենք պարտադիր պատվաստման օրենսդրական հնարավորություն: «Բնակչության սանիտարահամաճարակային պաշտպանության մասին» օրենքով հստակ նախատեսված է պարտադիր պատվաստումների կետը: Բացի դրանից, հոկտեմբերի 1-ից ուժի մեջ է մտել սահմանափակումների որոշակի փաթեթ, առաջիկայում էլ կտեսնենք, թե լրացուցիչ ինչ միջոցներ պետք է կիրառել, որ պատվաստումային գործընթացն արագանա»,- շեշտեց Ավանեսյանը:
Մանրամասները՝ տեսանյութում:
