22.04.2026 | 23:30
ՀՀ տարածքում ավտոճանապարհները հիմնականում անցանելի են
Թորոսյանը պարզաբանեց՝ ինչո՞ւ է Սանասարյանի ղեկավարած կառույցի մասով դիմել ԱԱԾ-ին. ՏԵՍԱՆՅՈՒԹ
Հասարակություն
06.10.2021 | 13:12
Երևան քաղաքի ընդհանուր իրավասության դատարանում ընթանում է ՊՎԾ նախկին պետ Դավիթ Սանասարյանի գործով դատական նիստը: Դատարանի դահլիճում է ՀՀ առողջապահության նախկին նախարար, ԱԺ պատգամավոր Արսեն Թորոսյանը, որն ունի վկայի կարգավիճակ:
Թորոսյանը դատարանում ցուցմունք տվեց: Պարզաբանելով, թե ինչու է դիմել ԱԱԾ-ին՝ խնդրելով Սանասարյանի ղեկավարած կառույցի գործունեությունն ուսումնասիրել՝,Որոսյանը նշեց. «Առաջինը՝ նույն որակի, ավելի էժան ապրանքի մատակարարման հանգամանքը ընդհանրապես դրական եմ գնահատում մեր երկրի համար, բայց այդ պահին, երբ որ մենք մտահոգություն ունեինք, որ պրոբլեմների առաջ ենք կանգնում, ո՛չ հաղթած տենդեր կար և մատակարարած, ո՛չ սպասարկման հարցն էր վերջնական լուծված, այլ կար 2 մտահոգություն, որոնց մասին բազմիցս նշել եմ: Չունենալով համապատասխան գործիքակազմ ինքս պարզելու՝ արդյո՞ք ՊՊԾ աշխատակիցները շահադիտական նպատակներով են դա անում, թե ընդհանուր բարօրության նպատակներով, դիմել եմ ԱԱԾ-ին, ասելով՝ այսպիսի բաներ եմ տեսնում, կարո՞ղ եք օգնել, պարզել՝ ճիշտ է, սխալ է, դրա հետ կապված նախաքննական գործ ունեք անելու, թե չունեք, քրեական տարրեր կան, թե չկան, թե՞ պարզապես պետք է շնորհակալություն հայտնել մարդկանց այս լավ գործն անելու համար»,- նշեց Թորոսյանը՝ պարզաբանելով, թե ինչու է դիմել ԱԱԾ-ին՝ խնդրելով Սանասարյանի ղեկավարած կառույցի գործունեությունն ուսումնասիրել:
