29.10.2026 | 12:47
Բոլսոնարուն ժամանել է ԱՄՆ՝ իրեն հռչակելով Բրազիլիայի «առաջնորդ»
Իրանը փակել է իր օդային տարածքը Ադրբեջանի՝ ռազմական մատակարարումներ իրականացնող օդանավերի համար
Քաղաքականություն
05.10.2021 | 16:57
Այսօր պաշտոնական զինվորական խողովակներով Իրանը հայտնել է ադրբեջանական կողմին, որ արգելք է սահմանել դեպի Նախիջևան օդանավերի թռիչքների համար, որոնք հիմնականում ռազմական մատակարարումներ են իրականացնում։ Այս մասին ադրբեջանական «Ապա» գործակալությանը հայտնել է զինվորական աղբյուրը։
Նա նշել է, թե Իրանը «հերթական դավաճանություն է գործել Ադրբեջանի նկատմամբ՝ Հայաստանի թելադրանքով»։
«Ադրբեջանին հարված հասցնելու Իրանի հերթական փորձը մեծ ազդեցություն չի ունենա Նախիջևանում զորամասերի մատակարարումների վրա։ Ադրբեջանը շատ հազվադեպ է օգտագործում այդ երթուղին և նախընտրում է այլ երթուղիներով փոխադրումները»,- ասել է աղբյուրը։
Հավելենք, որ Բաքվի ու Թեհրանի հարաբերությունները այժմ չափազանց լարված են։ Ավելի վաղ Իրանի ԱԳՆ-ն հայտարարել էր, թե չի հանդուրժի Ադրբեջանում «սիոնիստական ռեժիմի ներկայությունն ու տարածաշրջանում սահմանային փոփոխությունները»։
Էմմա Չոբանյան
