16.01.2025 | 12:43
Գլենդելը վերադառնում է բնականոն գործունեության. քաղաքապետը մանրամասներ է հայտնում
Մարդկությանն այս ձմռանը համաշխարհային ճգնաժամ է սպառնում․ Bloomberg
Քաղաքականություն
04.10.2021 | 21:43
Էներգիայի գների բարձրացումն ու բազմաթիվ ապրանքների մատակարարման հետ կապված խնդիրներն ամբողջ աշխարհին սպառնում են այս ձմռանը ծանր ճգնաժամով: Այս մասին գրում է Bloomberg-ը:
Հոդվածի հեղինակը նշում է, որ կորոնավիրուսի համաճարակը դարձել է մարդկության համար մեծ ճգնաժամ։ Սա արտահայտվում է ապրանքների մեծ մասի մատակարարման հետ կապված խնդիրներով՝ հացահատիկից մինչև համակարգչային չիպերը։
Սակայն այս տարի որոշ երկրներում նոր խնդիրներ են առաջացել։ Այսպես, Բրիտանիայում նկատվում է վառելիքի սուր պակասուրդ, իսկ սուպերմարկետներում դարակները դատարկ են վարորդների պակասի պատճառով։
«Սակայն խնդիրները սպառնում են նաև մոլորակի մյուս երկրներին ևս»,- ընդգծել է լրագրողը։
Այս ձմեռ Հյուսիսային կիսագնդում ջերմային ռեժիմը կազդի տարբեր շուկաների վրա, և եթե կատարվեն ամենահոռետեսական օդերևութաբանական կանխատեսումները, ապա էներգառեսուրսների պակասը կհանգեցնի լայնածավալ ճգնաժամի, պարզաբանվում է հոդվածում։
Հեղինակը հայտնել է ռեսուրսների համար «պատերազմի» մեկնարկի մասին․ Չինաստանը հրահանգել է ապահովել ածխի մատակարարումները քվոտաներից ավելին, ինչը հանգեցրել է Եվրոպայում գազի և էլեկտրաէներգիայի գների ռեկորդային բարձրացման։ Սա իր հերթին հանգեցրել է Նիդերլանդներում հսկայական ջերմոցների ցանցի փակման, ինչը կարող է ազդել մթերքների մատակարարման վրա։
Ֆրանսիայում իշխանություններն արգելել են բարձրացնել գազի սակագները և կրճատել են էլեկտրաէներգիայի հարկը: Բացի այդ, աշխարհում ցորենի պաշարները նվազում են, իսկ հացահատիկի արտադրության կանխատեսումները միայն վատթարանում են:
Եզրափակելով՝ հոդվածագիրը նշել է, որ նախորդ տարվա համեմատ՝ իրավիճակի լավացում այս տարի ակնկալել պետք չի։
Տաթև Ֆռանգյան
