Քաղաքականություն
23.03.2018 | 15:59
Թուրքիայում ուսումնական թռիչք կատարելիս F-16 ռազմական ինքնաթիռ է կործանվել։ Մարտի 22-ին՝ ժամը 18։30-ին ուսումնական թռիչք կատարելու նպատակով օդ բարձրացած ինքնաթիռը լեռնային տարածքում վայր է ընկել ու բռնկվել։
Դեպքը տեղի է ունեցել Թուրքիայի Նևշեհիր նահանգի Օվայորեն գյուղի մերձակայքում։ Դեպքի վայր ժամանած փրկարարները հայտնաբերել են օդաչուի դին։
Ականատեսները վկայում են, որ մինչև անկումը ուժգին պայթյունի ձայն է լսվել։ Ինքնաթիռի կտորները տարածվել են 500 մետր տրամագծով տարածքում։
