09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Լապշինը գալիս է Երևան՝ «ներկայացնելու» իր հեղինակային ծրագիրը՝ «Լապշինի հետքերով՝ Բաքու»
Հասարակություն
23.03.2018 | 13:49
ՌԴ-ի, Իսրայելի քաղաքացի, բլոգեր Ալեքսանդր Լապշինը մտադիր է այցելել Երևան: Այս մասին նա գրել է Facebook-ի իր էջում:
«Ես մեկնում եմ Երևան՝ մասնակցելու զբոսաշրջային ցուցահանդեսի: Ներկայացնելու եմ իմ հեղինակային ծրագիրը՝ «Լապշինի հետքերով՝ Բաքու»: Ծրագրում ներառված են՝ թռիչք Մեհրիբան Ալիևիայի անձնական ինքնաթիռով, «հանգիստ» Քուրդախանի բանտում (all inclusive) և Բաքվի ծանր հանցագործությունները քննող դատարանում: Տուրի արժեքը պայմանագրային է… կատակ է: Իսկ իրականում ցուցահանդեսին պատմելու եմ ճանապարհորդությունների մասին, հետաքրքիր է լինելու, այցելեք»,- գրել է Լապշինը:
Նշենք, որ ապրիլի 20-22-ն Երևանում անցկացվելու է Tour Expo 2018 միջազգային զբոսաշրջային ցուցահանդեսը:
Հիշեցնենք, որ Ալեքսանդր Լապշինը ձերբակալվել էր Մինսկում 2016 թվականի վերջերին՝ Ադրբեջանի դիմումի համաձայն՝ առանց իր թույլտվության Լեռնային Ղարաբաղ մեկնելու համար: Բաքվի դատարանը Լապշինին դատապարտել էր 3 տարվա ազատազրկման: Այնուհետև Իլհամ Ալիևը հրամանագիր էր ստորագրել Ալեքսանդր Լապշինին ներում շնորհելու մասին:
