20.05.2024 | 19:38
Նիստեր՝ առանց Աբրահամյանի. փաստաբանն «անհիմն» է որակում նախկին վարչապետի գույքի բռնագանձման հայցը. ՏԵՍԱՆՅՈՒԹ
ԵՄ-ն աջակցություն է հայտնել Լոնդոնին «Սկրիպալի» գործում և Ռուսաստանից հետ է կանչել իր դեսպանին
Քաղաքականություն
23.03.2018 | 11:32
ԵՄ անդամ երկրների առաջնորդները պաշտոնապես համաձայնել են Մեծ Բրիտանիայի կառավարության հետ այն հարցում, որ ամենամեծ հավանականությամբ հենց Ռուսաստանն է կրում պատասխանատվությունը Սոլսբերիում ռուսական հետախուզական ծառայության նախկին աշխատակից Սերգեյ Սկրիպալի ու նրա դստեր՝ նյարդապարալիտիկ գազի միջոցով թունավորման գործում. հաղորդում է BBC-ի ռուսական ծառայությունը:
Բրյուսելում երեկ մինչև ուշ գիշեր տևած բանակցություններից հետո, Եվրոպայի խորհուրդը հանդես է եկել հայտարարությամբ, ուր ասվում է, որ առաջնորդները համաձայնության են եկել այն հարցում, որ Սոլսբերիի միջադեպը «չունի համոզիչ այլ բացատրություն»:
«Մենք լիովին աջակցում ենք Միացյալ Թագավորությանը՝ ընդդեմ այդ հանդուգն մարտահրավերի, որը սպառնում է մեր հավաքական անվտանգությանը»,- ասված է ԵՄ առաջնորդների համատեղ հայտարարությունում:
Նշվում է նաև, որ Ռուսաստանում ԵՄ մշտական ներկայացուցիչը հետ է կանչվել Մոսկվայից «խորհրդակցությունների համար»:
Հիշեցնենք, որ մարտի 5-ին Սոլսբերի քաղաքի ոստիկանությունը հաղորդել էր, որ քաղաքի առևտրի կենտրոններից մեկում անհայտ ծագման վտանգավոր նյութից անգիտակից վիճակում հիվանդանոց է տեղափոխվել երկու անձ։ Հետագայում պարզվել է, որ խոսքը Սկրիպալի և նրա դստեր մասին է:
Այս միջադեպին հաջորդեց Միացյալ Թագավորության վարչապետ Թերեզա Մեյի հայտարարությունն առ այն, որ ՄԹ-ից կատաքսվի ՌԴ 23 դեսպան:
Նշենք, որ Սկրիպալը Ռուսաստանում 2006 թվականին դատապարտվել էր Մեծ Բրիտանիայի օգտին լրտեսելու համար, իսկ 2010 թվականին ապաստան էր ստացել Մեծ Բրիտանիայում. նրան փոխանակել են ԱՄՆ-ում ձերբակալված ռուս գործակալների հետ:
