14.05.2024 | 14:18
Ժնևում նախատեսվում է Ալեն Սիմոնյանի և Ադրբեջանի Միլլի Մեջլիսի նախագահի հանդիպումը
Փաշինյան-Ալիև հանդիպումը կարող է տեղի ունենալ հնարավոր մոտ ապագայում, իսկ ԼՂ կոնֆլիկտն ավարտված չէ. Արմեն Գրիգորյան
Քաղաքականություն
02.10.2021 | 13:38
Մենք հայտարարել ենք, որ բարձրագույն մակարդակում պատրաստ ենք հանդիպել Ադրբեջանի նախագահ Իլհամ Ալիևի հետ և քննարկել հարցեր․ Հանրային հեռուստաընկերության եթերում հայտարարել է ԱԽ քարտուղար Արմեն Գրիգորյանը՝ անդրադառնալով Ալիևի՝ Փաշինյանի հետ ԵԱՀԿ Մինսկի խմբի շրջանակներում հանդիպելու պատրաստակամության մասին հայտարարությանը։
«Մեր պատրաստակամությունը մինչև այդ էլ եղել է, եթե իսկապես պատրաստակամություն լինի Ալիևի կողմից, հուսով ենք, որ ԵԱՀԿ Մինսկի խմբի շրջանակներում քննարկումներ տեղի կունենան, և հանդիպումը հնարավոր մոտ ապագայում կարող է տեղի ունենալ»,- ասել է ԱԽ քարտուղարը։
Հիշեցնենք՝ Ալիևը հայտարարել էր, որ պատրաստ է հանդիպել Փաշինյանին ԵԱՀԿ Մինսկի խմբի շրջանակներում։
Անդրադառնալով Ալիևի կողմից «խաղաղության պայմանագրի» կնքմանն ու հակամարտության ավարտմանը՝ Գրիգորյանն ընդգծել է, որ այն ավարտված չէ:
«ԵԱՀԿ Մինսկի խմբի՝ տարածաշրջան այցը ևս մեկ անգամ հաստատում է, որ կոնֆլիկտն ավարտված չէ և անհրաժեշտություն կա, որպեսզի կոնֆլիկտի բաղադրիչները, որոնք լուծում չեն ստացել, ևս լուծում ստանան»,- նշել է ԱԽ քարտոըւղարը։
