18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Թուրքիան հայտարարել է, որ Հունաստանի քաղաքականությունն ապակայունացնում է իրավիճակը՝ վնասելով ՆԱՏՕ-ին և ԵՄ-ին
Քաղաքականություն
01.10.2021 | 23:01
Հունաստանի առավելապաշտությունը տարածաշրջանում ծովային և օդային սահմանների որոշման գործում հակասում է միջազգային նորմերին։ Այս մասին հայտարարել է Թուրքիայի ԱԳՆ պաշտոնական ներկայացուցիչ Թանջու Բիլգիչը, գրում է «Անադոլու» գործակալությունը։
Թուրք դիվանագետի խոսքով՝ Հունաստանի իշխանությունները թշնամական քաղաքականություն են վարում Թուրքիայի նկատմամբ, սպառազինություններ մրցավազք են սկսել ու փորձում են Անկարային մեկուսացնել։ Բիլգիչն անդրադարձել է Ֆրանսիայի և Հունաստանի ստորագրած պաշտպանական համաձայնագրին։
«Աթենքի ծովային և օդային սահմանների խնդրի վերաբերյալ պնդումները հակասում են միջազգային իրավունքի պահանջներին և միջազգային մակարդակում քննադատության տեղիք են տալիս՝ հակառակ ՆԱՏՕ-ի շահերին: Անկարայի դեմ թշնամական ռազմական դաշինքներ կազմավորելու միջոցով շահերը առաջ տանելու փորձը դատապարտված է ձախողման», – ասել է Թուրքիայի ԱԳՆ պաշտոնյան:
Նա նշել է, որ Հունաստանի ջանքերն անիմաստ են ու միայն ամրապնդում են Անկարայի վճռականությունը Էգեյան ու Միջերկրական ծովերում իրավունքերի պաշտպանման, այդ թվում՝ Հյուսիսային Կիպրոսի շահերի աջակցության գործում։
«Աթենքի համագործակցությունից հրաժարումը ռազմականացման համար, առաջին հերթին հարված է հասցնում հենց Հունաստանի ու ԵՄ-ի շահերին, վտանգ է պարունակում խաղաղության ու կայունության համար»,- ասել է թուրք դիվանագետը։
Էմմա Չոբանյան
