08.06.2026 | 21:45
Ջրվեժի գերեզմանատան մոտ մեքենա է այրվել
Իսպանական Պալմա կղզու մակերեսն ընդլայնվել է քարացած լավայի հաշվին
Քաղաքականություն
01.10.2021 | 23:28
Իսպանական Պալմա կղզու մակերեսն ընդլայնվել է քարացած լավայի հաշվին․ տաք զանգվածը հոսել է դեպի օվկիանոս ու քարացել սառը ջրի հետ շփումից։
Արբանյակից արված լուսանկարներում, որոնք ստացել են եվրոպացի գիտնականները, հստակ երևում է D-անման հավելաճ, որն առաջացել է արևմտյան ափին․ այստեղ քարացած լավայի մակերեսն ավելի քան 300 հա է։ Ընդհանուր առմամբ՝ մոխրով է ծածկված կղզու ավելի քան 2000 հա տարածքը, փոխանցում է euronews-ը։
Կումբրե Վյեխա հրաբուխն ակտիվ է ավելի քան 2 շաբաթ․ այն արթնացել է կեսդարյան քնից հետո և օրական մինչև 17 հազար տոննա ծծմբի երկօքսիդ է արտանետում։
Կղզիաբնակների անվտանգությունն այժմ շատ դեպքերում կախված է եղանակից․ օդերևութաբանները մտավախություն ունեն, որ թունավոր ամպերը կշարժվեն տարածքի խորքը։ Այս պահի դրությամբ, տարհանվել է ավելի քան 6000 մարդ, հարյուրավոր մարդկանց խորհուրդ է տրվել մնալ տանը։
Տաթև Ֆռանգյան
