22.04.2026 | 23:30
ՀՀ տարածքում ավտոճանապարհները հիմնականում անցանելի են
Այո՛, ինձ ևս գաղտնալսել են. նրանք պետք է պատասխանատվության ենթարկվեն. Մխիթար Պապոյան. ՏԵՍԱՆՅՈՒԹ
Հասարակություն
01.10.2021 | 14:34
Դատական իշխանությունը կատարյալ չէ, ինչպես կատարյալ չեն իշխանության մյուս ճյուղերը: Այս մասին լրագրողների հետ զրույցում ասաց դատավոր Մխիթար Պապոյանը:
Դիտարկմանը, որ իշխանություն ունի անցանկալի դատավորների ցանկ, ցանկանում է վեթինգի միջոցով ազատվել նրանցից, արդյո՞ք մտավախություն չունի, որ ոչ ցանկալի դատավորների ցանկում ինքը ևս կա, Մխիթար Պապոյանն արձագանքեց. «Ես չհասկացա՝ այդ վեթթիգն ասվածն ինչ է, ինչ է լինելու: Ես բացարձակ որևէ բանի մտավախություն չունեմ, այդ թվում՝ աշխատանքը կորցնելու մտավախություն չունեմ:Ինչ վերաբերում է անցանկալի դատավորների ցանկին, ապա տարիներ շարունակ տարբեր դատավորների մասին տարբեր խոսակցություններ են գնում, ուզում եմ հասկանալ՝ որտեղից է գալիս այն տեղեկությունը, թե այս կամ այն դատավորն իրեն ինչպես է դրսևորել: Եթե դա օպերատիվ տեղեկություն է, ինչու՞ օպերատիվ մարմինը հետևողականորեն չի աշխատում և իր աշխատանքը չի կատարում: Իսկ եթե դրանք ասեկոսեների արդյունք են, ապա ասեկոսեների հիման վրա դատավորներին գնահատական տալը սխալ է»:
«Ես կուզենամ, որ անպայման բացահայտվի, և բոլոր այն անձինք, որոնք ինչ-որ սխալ են թույլ տվել, պատասխանատվության ենթարկեն»,-ասաց դատավորը:
Պապոյանն ընդգծեց, որ իրեն գաղտնալսել են:
Մանրամասները՝ տեսանյութում։
