14.12.2025 | 20:34
Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում
Կովսականում ադրբեջանցի զինծառայող է պայթել ականի վրա
30.09.2021 | 21:30
Արցախի գրավյալ Կովսականում (Զանգելան) ականի վրա ադրբեջանցի սահմանապահ է պայթել։ Այս մասին հայտնում են ադրբեջանական լրատվամիջոցները։
Ադրբեջանի պետական սահմանապահ ծառայությունը հաղորդել է, որ կրտսեր սերժանտ Էլգյուն Էլյան օղլու Նազարխանլին այսօր ժամը 15:00-ի սահմաններում մարտական ծառայության կետ շարժվելիս Զանգելանի շրջանում պայթել է հակատանկային ականի վրա ու վիրավորում ստացել։ Նրան ուղղաթիռով տեղափոխել են զինվորական հոսպիտալ։
Նշենք, որ 2020 թվականի նոյեմբերի 9-ից հետո Արցախի գրավյալ տարածքներում ականի վրա պայթելու հետևանքով, ընդհանուր առմամբ, մահացել է ադրբեջանցի 7 զինծառայող և 23 քաղաքացիական անձ, ևս 91 զինվորական ու 38 քաղաքացիական անձ՝ վիրավորվել։
Էմմա Չոբանյան
