07.03.2026 | 16:45
Կենտրոնում փոշու պարունակությունը գերազանցել է սահմանային թույլատրելի կոնցենտրացիան գրեթե ամբողջ շաբաթ
Հայաստան ուղևորվող իրանական բեռնատարների տարանցիկ ուղին չի փոխվել
Քաղաքականություն
30.09.2021 | 19:50
Հայաստան ուղևորվող իրանական բեռնատարների տարանցիկ ուղին չի փոխվել, բեռնատարներն օգտվում են նախկին ճանապարհով՝ Նուրդուզի սահմանով։ Այս մասին հայտնել է «Արևելյան Ատրպատական» ճանապարհատրանսպորտային ընկերության գլխավոր տնօրեն Օրուջալի Ալիզադեն, գրում է իրանական Mehr գործակալությունը:
Ներկայում բեռնատարներն օգտվում են նույն՝ հին երթուղով, իսկ առևտուրն ընթանում է նույն ճանապարհով:
Ալիզադեն ասել է, որ իրանական բեռնատարների համար տարանցիկ ճանապարհն անցնելու համար որևէ խոչընդոտ չկա։
Պաշտոնյան նշել է նաև, որ Ադրբեջանն ուղեվարձ է ստանում իրանական բեռնատարների համար՝ հավելելով, որ Ջուղայի և Նախիջևանի սահմանը դեպի Հայաստան փակ է՝ ինչպես նախկինում, և դեպի Հայաստան այս երթուղով տարանցում չի իրականացվում:
Նշենք, որ Նուրդուզի սահմանային անցակետը գտնվում է Իրանի Ջուղա բնակավայրից և Հայաստանի Ագարակից 60 կմ արևելք՝ Հայաստանի Հանրապետության հետ սահմանի վրա:
Տաթև Ֆռանգյան
