15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Ցույցերի ժամանակ ծառայություն իրականացնող ոստիկաններին տեղափոխելու համար կառավարությունը 30 մլն դրամ կհատկացնի ոստիկանությանը
Քաղաքականություն
29.09.2021 | 21:50
Ոստիկանությունը նախագիծ է ներկայացրել կառավարություն բյուջեում վերաբաշխում կատարելու համար: Ի թիվս այլ տողերի՝ ուժային կառույցն առաջարկում է ցույցերի, բողոքի ակցիաների վայր գնացող ոստիկանության ծառայողների համար վարձակալվող ավտոբուսների ծախսն ավելացնել:
Ոստիկանությունն առաջարկում է այդ նպատակով հատկացումներն ավելացնել 30 մլն դրամով:
2021 թվականի բյուջեով՝ ոստիկանության ծառայողների տեղափոխության համար ավտոբուսների վարձակալության նպատակով հատկացվել էր 77 մլն 942 հազար դրամ:
Ոստիկանության նախագծում որպես հիմնավորում նշված է՝ այս տարվա ընթացքում հասարակական կարգի պահպանության և հասարակական անվտանգության ապահովման բնագավառում ներգրավված ոստիկանական մեծաթիվ ուժերի տեղաշարժն անհրաժեշտ քանակով, երթուղիներով և պայմաններով (նաև շուրջօրյա ռեժիմով) ապահովելու համար, հիմնականում ոստիկանության զորքերի, ինչպես նաև՝ առանձին այլ ստորաբաժանումների հայտերով Ա/Ձ Ռոբերտ Բարսեղի Ծառուկյանի կողմից փաստացի մատուցված ծառայությունները գերազանցել են պայմանագրով նախատեսված ծավալները, քանի որ այդ ընթացքում ներգրավվեցին աննախադեպ մեծ թվով տրանսպորտային միջոցներ (ավտոբուսներ, միկրոավտոբուսներ և այլն):
Ըստ այդմ, ԱՁ-ի նկատմամբ ոստիկանության ունեցած պարտքը, մայիս ամսվա դրությամբ, կազմում է 12 մլն 733 հազար դրամ:
Նշենք, որ մեծաթիվ ոստիկանական ուժեր տեղակայվում են, երբ կամ Նիկոլ Փաշինյանն է որևէ տեղ գնում, կամ քաղաքացիները բողոքի ակցիա են իրականացնում:
Նարեկ Կիրակոսյան
