24.09.2026 | 23:24
Ապարան քաղաքում, Կայք բնակավայրում, Վանաձոր քաղաքի որոշ հասցեներում գազանջատումներ կլինեն
Պուտինի և Էրդողանի՝ շուրջ 3 ժամ տևած բանակցություններն ավարտվել են
Քաղաքականություն
29.09.2021 | 18:15
ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի բանակցությունները Սոչիում ավարտվել են, հաղորդում է ՌԻԱ Նովոստին։
Նշվում է, որ բանակցությունները տևել են շուրջ 3 ժամ։ Կողմերը քննարկել են ինչպես երկկողմ հարաբերություններին, այնպես էլ Սիրիայում, Լիբիայում, Աֆղանստանում և Անդրկովկասում տիրող իրավիճակին առնչվող հարցեր։
Հանդիպման ավարտին Վլադիմիր Պուտինը թուրք գործընկերոջ հետ բանակցությունները բովանդակալից է անվանել։
«Շնորհակալություն Ձեզ այցի համար։ Շատ կարևոր ու բովանդակալից էր։ Կլինենք կապի մեջ»,- ասել է Պուտինը Էրդողանին ճանապարհելիս։
Ավելի վաղ Կրեմլի խոսնակ Դմիտրի Պեսկովի հայտարարել էր, որ բանակցություններն անցկացվելու են դեմ առ դեմ ձևաչափով՝ միայն թարգմանիչների մասնակցությամբ։
Էմմա Չոբանյան
