Քաղաքականություն
29.09.2021 | 17:47Իշխանությունն ամենօրյա ռեժիմով աշխատում է ամեն ինչ անել երկրում ստեղծված իրավիճակը կայունացնելու, այդ թվում՝ նաև անվտանգության խնդիրը լուծելու համար: Այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Էմմա Պալյանը՝ անդրադառնալով հարցին, թե արդյոք իշխանությունը կարող է ապահովել երկրի անվտանգությունը:
Անդրադառնալով դիտարկմանը, որ նշվում է՝ ՀՀ իշխանությունը տրամադրություն և հնարավորություններ ունի գունագեղ միջոցառում իրականացնելու, բայց Արցախի հետ կապված հարցերում կաղում է, Պալյանը նշեց. «Շատ խոսվեց «գունագեղ» միջոցառման մասին, բայց, հանրությունը տեսավ, թե ինչի մասին էր խոսքը: Այո՛, ՀՀ անկախության 30-ամյակը պիտի նշվեր, ու նշվեց շատ ճիշտ ու տպավորիչ ձևով»:
Դիտարկմանը, որ ընդդիմադիրները կասկածի տակ են դնում վարչապետի հայրենասիրությունը՝ Պալյանն արձագանքեց. «Ընդդիմադիր քաղաքական գործիչները չէ, որ պիտի խոսեն Փաշինյանի հայրենասիրության մասին, հունիսի 20-ին տեղի ունեցած ընտրությունները մեծ քննություն էր մեր քաղաքական ուժի՝ գործող իշխանությունների համար: Հայաստանի Հանրապետության քաղաքացին շատ լավ գիտի Նիկոլ Փաշինյանի հայրենասիրության մասին, և կրկնում եմ՝ ընդդիմադիր գործիչները չէ, որ պիտի խոսեն այդ մասին»,:
Մանրամասները՝ տեսանյութում:
