ԱՄՆ-ի Կոնգրեսին դեռ չի հաջողվում կանխել կառավարության աշխատանքների ժամանակավոր դադարը

ԱՄՆ-ի Կոնգրեսը երկուշաբթի օրը չկարողացավ գալ այնպիսի համաձայնության, որի արդյունքում կառավարությունը ժամանակավորապես չէր փակվի: Այս մասին գրում է «Ամերիկայի ձայն»-ը։

Երկուշաբթի օրը երեկոյան հանրապետական կոնգրեսականները դեմ քվեարկեցին մի քանի բանաձեւերի, ինչը դեմոկրատներին ստիպում է այլ ուղիներ որոնել կառավարությունը հինգշաբթի օրվանից հետո բաց պահելու համար: Չհաջողվեց նաեւ բարձրացնել պարտքերի վերին շեմը:

Ասենք, որ որոշումը չի ընդունվել ձայների 48-ը 50-ի հարաբերակցությամբ:

Ինչպես Սենատում մեծամասնության ղեկավար, դեմոկրատ Չաք Շումերն է ասում, «Չի կարելի թույլ տալ, որ վտանգի տակ հայտնվեն միլիոնավոր աշխատատեղեր, որ ժողովուրդը կրի տրիոլիոնավոր դոլարների վնաս, տուժի սոցիալական ապահովության ցանցը, տուժեն պատերազմի վետերանները: Ահա սրան է հանգեցնում հանրապետականների դիրքորոշումը»:

Իսկ Սենատում փոքրամասնության ղեկավար, հանրապետական Միթչ ՄաքՔոնելի խոսքերով, «Դեմոկրատները ցանկանում են ժամանակավոր համավարակը օգտագործել որպես Տրոյական ձի` հանուն մշտական սոցիալիզմի»:

ՄաքՔոնելը եւ մյուս հանրապետականները դեմ չեն սակայն, որպեսզի ընդունվի օրինագիծ, որը թույլ կտար կառավարության աշխատանքը ամենօրյա ֆինանսավորման սկզբունքով: Սակայն դեմոկրատները չեն ցանկանում կառավարության ֆինանսավորման հետ կապված միջոցները տարանջատել պարտքի սահմանների մասին օրինագծից:

Բացի այդ միջոցների շուրջ առկա փակուղուց, Կոնգրեսը նաև չի կարողանում համաձայնության գալ է 1 տրիլիոն դոլարի արժողությամբ երկու կուսակցությունների կողմից հավանության արժանացած ենթակառուցվածքների օրինագծի շուրջ, ինչպես նաև դեմոկրատների կողմից հավանության արժանացած 3,5 տրիլիոն դոլարի արժողությամբ սոցիալական ծախսերի և կլիմայի փոփոխության օրինագծերի շուրջ: