23.08.2026 | 21:47
Ջրափրկարարները քաղաքացիներին անվնաս դուրս են բերել ափ
Չհամաձայնեցինք Սերժ Սարգսյանին փոխարինել Կարեն Կարապետյանով, քանի որ մեր խնդիրն անձը չէր. Հրաչյա Հակոբյան. ՏԵՍԱՆՅՈՒԹ
Քաղաքականություն
28.09.2021 | 18:22
«Հայաստան» դաշինքից հայտարարել են, որ շուտով սկսելու են մարզային այցեր, ինչպես նաև բողոքի ակցիաներ՝ պահանջելով իշխանության հրաժարականը:
Factor.am-ի հետ զրույցում անդրադառնալով այս դիտարկմանը՝ «Քաղաքացիական պայմանագիր» խմբակցության պատգամավոր Հրաչյա Հակոբյանը կարծիք հայտնեց, որ ընդդիմության համար առիթ է հանդիսացել այն, որ չկարողացան խոչընդոտել խորհրդարանական աշխատանքները. «Նրանք հայտարարել էին, որ գալիս են խորհրդարան՝ օր ու արև չտալու այս իշխանություններին»:
Պատգամավորի խոսքով՝ ընդդիմադիր պատգամավորները փորձում են պայքարը տեղափոխել փողոց, սակայն դա նրանց չի հաջողվի. «Այսօր չկա նման պահանջարկ, ժողովուրդը կարիք չունի փողոց դուրս գալու, եթե դրա կարիքը լիներ, ժողովուրդը իրենց հետ դուրս չէր գա, այլ կգտներ ավելի ազնիվ ուժ և նրա միջոցով կարտահայտեր իր բողոքի ձայնը»:
Դիտարկմանը, որ ժամանակին իրենց թիմին հաջողվել է փողոցային պայքարի միջոցով իշխանություն վերցնել, և իրենց պայքարի թիրախում հիմնականում Սերժ Սարգսյանն էր, Հակոբյանը նշեց. «Մեր թիրախում այդ օրվա խնդիրներն էին, բարքերն էին, որի գլխավերևում Սերժ Սարգսյանը չէր: Մենք չհամաձայնեցինք Սերժ Սարգսյանին փոխարինել Կարեն Կարապետյանով, քանի որ մեր խնդիրն անձը չէր»:
Մանրամասները՝ տեսանյութում:
