08.10.2026 | 14:53
Թուրքական պաշտպանական ընկերությունը փակում է Ադրբեջանում իր մասնաճյուղը
Մենք կարող է նորից պատերազմի առաջ կանգնենք, թողնենք «ամբիցիաները», տարաձայնությունները. Սասուն Միքայելյան. ՏԵՍԱՆՅՈՒԹ
Քաղաքականություն
27.09.2021 | 13:14
«Այսօր էլ դասեր չենք քաղում մեր պատմությունից: Ցավոք, մեր ամեն սերունդ իր պատերազմը տարել է… Մենք պարտավոր ենք այսօր համախմբվելու, պարտավոր ենք մեր բանակի կողքին կանգնելու։ ԵԿՄ-ն միշտ եղել է բանակի կողքին ու մինչև օրս էլ բանակի կողքին է»,- ԵԿՄ-ում հայտարարեց Միքայելյանը։
Նրա դիտարկմամբ՝ Հայաստանը պարտվել է մարտի դաշտում, բայց պատերազմում չի պարտվել. «Այս հոգեբանությամբ պիտի լցվենք ու առաջ քայլենք ու այս անորոշությունը, հարգելի պետական այրեր, պիտի կարողանանք մեր ժողովրդի միջից հանել։ Պարզ ասում եմ՝ մենք կարող է նորից պատերազմի առաջ կանգնենք, կարող է ոտնձգություն լինել ՀՀ պետական սահմանի վրա»:
Միքայելյանն ընդգծեց, որ այսօրվա գերխնդիրը պետական սահմանը պահելն է ու բանակի կողքին լինելը. օրորոցից պետք է պատրաստ լինենք պատերազմի:
«Նայեք իրար աչքերի մեջ, թողեք ամբիցիաները ու գնանք դեպի առաջ»,- հորդորեց ԵԿՄ նախագահը և վստահեցրեց՝ մենք հաղթելու ենք, ժողովո՛ւրդ ջան:
Մանրամասները՝ տեսանյութում:
