13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Աֆղանստանի նահանգներից մեկում թալիբներն արգելել են մորուք սափրել և մազերը հարդարել
Հասարակություն
26.09.2021 | 20:31
Աֆղանստանի հարավի Գիլմենդ նահանգում թալիբներն արգելել են մորուք սափրել և մազերը հարդարել, ասված է թալիբների նամակում:
Իսլամական կողմնորոշման նախարարության պաշտոնատար անձինք նահանգի մայրաքաղաք Լաշքարգախում տղամարդկանց վարսավիրանոցի ներկայացուցիչների հետ հանդիպման ժամանակ խորհուրդ են տվել գեղեցկության սրահներում երաժշտություն կամ օրհներգ չմիացնել։
Աֆղանական ԶԼՄ-ները ավելի վաղ հայտնել էին, որ «Թալիբանը» Աֆղանստանում վերացրել է Կանանց գործերի նախարարությունը և այն փոխարինել Իսլամական կողմնորոշման նախարարությունով: Թալիբներն արդեն փոխել են նախարարության շենքի ցուցանակը։
Օգոստոսի սկզբին թալիբներն ակտիվացրել են հարձակումը Աֆղանստանի կառավարական ուժերի վրա, օգոստոսի 15-ին մտել են Քաբուլ և հաջորդ օրը հայտարարել, որ պատերազմն ավարտված է: Օգոստոսի վերջին երկու շաբաթներին Քաբուլի օդանավակայանից, որը գտնվում էր ամերիկացի զինվորականների հսկողության տակ, զանգվածային տարհանում էր ընթանում Արևմուտքի երկրների քաղաքացիների և նրանց հետ համագործակցող աֆղանցիների շրջանում: Օգոստոսի լույս 31-ի գիշերը ամերիկացի զինվորականները լքել են Քաբուլի օդանավակայանը ՝ վերջ դնելով Աֆղանստանում ԱՄՆ-ի գրեթե 20-ամյա ռազմական ներկայությանը: Սեպտեմբերի սկզբին հայտարարվել էր Աֆղանստանի ժամանակավոր կառավարության կազմը, որը գլխավորել էր Մոհամադ Հասան Ախունդը, որը «Թալիբանի» առաջին կառավարման ժամանակ զբաղեցնում էր ԱԳ նախարարի պաշտոնը և 2001 թվականից գտնվում էր ՄԱԿ-ի պատժամիջոցների տակ:
