19.12.2025 | 17:00
Գևորգ Կոստանյանին ՀՀ-ին հանձնելու նոր միջնորդություն է ուղարկվել ՌԴ
Արմեն Գրիգորյանը հստակ չպատասխանեց` Գորիս-Կապան ճանապարհն անվտա՞նգ է, թե` ոչ. ՏԵՍԱՆՅՈՒԹ
Քաղաքականություն
24.09.2021 | 12:38
«Ե՛վ մենք, և՛ իրանական կողմը մտահոգված ենք ստեղծված իրավիճակի կապակցությամբ»,-այս մասին հայտարարեց ՀՀ անվտանգության խորհրդի քարտուղար Արմեն Գրիգորյանը՝ Կառավարության նիստից հետո անդրադառնալով Գորիս-Կապան ճանապարհի Որոտանի հատվածում ադրբեջանական կողմի գործողությունների հետևանքով ստեղծված իրավիճակին:
«Այս հարցը քննարկում ենք բոլոր մակարդակներում, որպեսզի հնարավորինս արագ լուծում ստանա: Ե՛վ մեր ռուս գործընկերների, և՛ ադրբեջանցիների հետ քննարկումներում բարձրացնում ենք այս հարցն ու ակնկալում արագ լուծել»,- նշեց Գրիգորյանը՝ հավելելով, որ հարցի լուծման ուղղությամբ բանակցությունները շարունակվում են:
Նրա խոսքով՝ նոյեմբերի 9-ից հետո ձեռք բերված պայմանավորվածությունների համաձայն՝ հայկական կողմը պետք է այդ ճանապարհն անվտանգ օգտագործի:
«Իհարկե, այս ընթացքում խնդիրներ են առաջացել, մտահոգություններ կան, և մենք բոլոր քայլերը ձեռնարկում ենք, որ այլևս որևէ խնդիր չառաջանա, և հույս ունենք, որ այդ ճանապարհը կկարողանանք անվտանգ շահագործել»,- նշեց Գրիգորյանը:
Մանրամասները՝ տեսանյութում:
