23.08.2026 | 21:47
Ջրափրկարարները քաղաքացիներին անվնաս դուրս են բերել ափ
Բայրամովը հայտարարել է, թե Բաքուն պատրաստ է կարգավորել հարաբերությունները Երևանի հետ
Քաղաքականություն
23.09.2021 | 19:35
Ադրբեջանի ԱԳ նախարար Ջեյհուն Բայրամովը ՄԱԿ-ի Գլխավոր վեհաժողովի 76-րդ նստաշրջանի շրջանակում հանդիպել է Ֆինլանդիայի իր պաշտոնակցի՝ Պեքքա Օլավի Հաավիստոյի հետ։
Ադրբեջանական լրատվամիջոցները, վկայակոչելով ԱԳՆ-ին, գրում են, որ Բայրամովը Հաավիստոյին տեղեկացրել է Արցախի գրավյալ տարածքներում իրավիճակի մասին։
Ադրբեջանի ԱԳ նախարարը նաև ասել է, որ «չնայած տասնամյակներ շարունակ Ադրբեջանի դեմ իրականացվող ագրեսիվ քաղաքականությանը՝ Ադրբեջանը պատրաստ է կարգավորել հարաբերությունները հարևան պետության հետ միջազգային իրավունքի սկզբունքների հիման վրա»։
Հաավիստոն իր հերթին նշել է, որ Ադրբեջանի դիրքորոշումը՝ կապված Հայաստանի հետ հարաբերությունների կարգավորման հետ, հավանության արժանի է, և ընդգծել եռակողմ հայտարարության իրագործման կարևորությունը:
Հանդիպմանը կողմերը քննարկել են նաև երկկողմ հարաբերությունների զարգացման հեռանկարները։
Էմմա Չոբանյան
