14.01.2026 | 22:39
Ինչ իրավիճակ է ճանապարհներին
Սփյուռքի բոլոր ճակատներում նահանջ ենք գրանցում․ մեզ խանգարում է ենթակառուցվածքների բացակայությունը․ Սփյուռքի հանձնակատար. ՏԵՍԱՆՅՈՒԹ
Քաղաքականություն
23.09.2021 | 17:21
ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանի նախաձեռնությամբ մեկնարկել է աշխատանքային հանդիպում ՀՀ սփյուռքի գործերի գլխավոր հանձնակատար Զարեհ Սինանյանի, Արցախի նախագահի խորհրդական-հատուկ հանձնարարությունների գծով ներկայացուցիչ (Սփյուռքի հարցերով) Ազատուհի Սիմոնյանի մասնակցությամբ:
«Սփյուռքի բոլոր ճակատներում նահանջ ենք գրանցում, մենք կորցնում ենք հայապահպանմամբ աչքի ընկնող ավանդական Սփյուռքը: Սա սկսվել է դեռ լիբանանյան քաղաքացիական պատերազմի օրերից, երբ Լիբանանը սկսեց կորցնել հայ բնակչությանը, էլ չեմ խոսում իրաքյան և Սիրիայի քաղաքացիական պատերազմների մասին, այսօր էլ Լիբանանում լրջագույն ճգնաժամ է:
Նշեցի բոլոր ճակատներում, որովհետև եթե այդ երկրներում հայությունն ապրում էր կիսամեկուսացված պայմաններում, որ հայության պահպանման համար դրական էր, ապա այնտեղի հայությունը վերջին տասնամյակների ընթացքում գաղթել են հիմնականում Արևմուտք, իսկ այնտեղ ուծացման գործընթացը շատ ավելի արագ է տեղի ունենում: Իհարկե արևելքում էլ, հյուսիում էլ դրական չէ պատկերը, մենք ամեն երկրում ժամանակի ընթացքում կորցնում ենք հայ մարդկանց. սա աքսիոմ է»,- նշեց Զարեհ Սինանյանը՝ ընդգծելով, որ խանագարում է ենթակառուցվածքների բացակայությունը:
Մանրամասները՝ տեսանյութում:
