16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Բայդենն ու Մակրոնը հեռախոսազրույց են ունեցել և պայմանավորվել հոկտեմբերին հանդիպել
Քաղաքականություն
22.09.2021 | 21:56
ԱՄՆ նախագահ Ջոն Բայդենն ու Ֆրանսիայի նախագահ Էմանուել Մակրոնը հեռախոսազրույց են ունեցել և պայմանավորվել հոկտեմբերի վերջին հանդիպել Եվրոպայում։ Այս մասին գրում է ՌԻԱ Նովոստին՝ վկայակոչելով Սպիտակ տան հաղորդագրությունը։
«Երկու երկրների առաջնորդները որոշել են խորհրդակցություններ սկսել՝ ուղղված պայմանների ստեղծմանը, որոնք կերաշխավորեն վստահություն ու կառաջարկեն կոնկրետ միջոցներ՝ ընդհանուր նպատակներին հասնելու համար։ Նրանք կհանդիպեն Եվրոպայում հոկտեմբերին վերջին, որպեսզի հասնեն փոխըմբռնման ու պահպանեն դինամիկան այդ գործընթացում»,- ասվում է Սպիտակ տան հաղորդագրության մեջ։
Առաջնորդները նաև համաձայնել են, որ իրավիճակը կարող են բարելավել բաց խորհրդակցությունների միջոցով, որոնք ռազմավարական հետաքրքրություն են ներկայացնում Ֆրանսիայի ու եվրոպացի գործընկերների համար։
«Նախագահ Բայդենը հաստատել է Ֆրանսիայի ու Եվրոպայի՝ Հնդկախաղաղօվկիանոսյան տարածաշրջանում ներգրավվածության ռազմավարական կարևորությունը, այդ թվում՝ վերջերս հրապարակված ԵՄ ռազմավարության շրջանակում
Հնդկախաղաղօվկիանոսյան տարածաշրջանի համար։ ԱՄՆ-ը նաև ճանաչում է եվրոպական ուժեղ և արդյունավետ պաշտպանության կարևորությունը, որը դրական ներդրում ունի անդրատլանտյան և համաշխարհային անվտանգության մեջ ու հանդիսանում է ՆԱՏՕ-ի լրացում»,- ասվում է հաղորդագրությունում։
Էմմա Չոբանյան
